Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі пачынае працу чарговая місія экспэртаў МВФ 11:01, 28/01/2003, РБК
Чарговая місія экспэртаў Міжнароднага валютнага фонду пачне працу ў Беларусі 28 студзеня. Як паведамілі ў Нацыянальным банку Беларусі, у задачу цяперашня місіі ўваходзіць правядзеньне штогадовых плянавых кансультацыяў з прадстаўнікамі ўраду і галоўнага банку краіны. У прыватнасьці, плянуецца абмеркаваць пытаньні грашова-крэдытнай палітыкі краіны, зьніжэньня інфляцыі, прыватызацыі, валютнага саюзу з Расеяй. Акрамя таго, экспэрты фонду плянуюць абмеркаваць з кіраўніцтвам краіны пэрспэктывы далейшага супрацоўніцтва МВФ зь Беларусьсю.
Экспэрты банка плянуюць сустрэцца з прадстаўнікамі прыватнага сэктара, навукоўцамі, дэпутатамі “парлямэнту”, для таго, каб атрымаць больш шырокую карціну таго, што адбываецца ў краіне. Па выніках працы будзе падрыхтаваная справаздача для рады дырэктароў МВФ. Місія экспэртаў будзе працаваць у Беларусі да 10 лютага 2003г.
У бліжэйшыя месяцы чакаецца прыбыцьце яшчэ дзьвюх місіяў МВФ, якія абмяркуюць з кіраўніцтвам краіны некаторыя пытаньні падаткавай палітыкі і механізм функцыянаваньня валютных саюзаў.
, iнформэр
