Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Больш за палову апытаных сацыёлягамі жыхароў Менску – 54 адсоткі – заявілі, што за мінулы год жыць ім стала цяжэй. Такія вынікі анкетнага апытаньня, праведзенага 23-27 студзеня сацыялягічнай службай “Зеркало” інфармацыйнай кампаніі БелаПАН.
500 жыхарам сталіцы ад 18 гадоў і старэй прапанавалі параўнаць некаторыя ўмовы свайго жыцьця з тым, што было год таму. 46 адсоткаў менчукоў адзначылі пагаршэньне свайго матэрыяльнага становішча. 45 адсоткаў гараджанаў зьвярнулі ўвагу на цяжкасьці ў атрыманьні кваліфікаванай мэдычнай дапамогі. 44 адсоткі заўважылі пагаршэньне працы пасажырскага транспарту. І столькі сама – 44 адсоткі – радзей сталі сустракацца з сябрамі. Больш за траціну рэспандэнтаў за леташні год сталі горш харчавацца і апранацца (па 38 адсоткаў), меней адпачываць (39 адсоткаў) і зарабляць (35 адсоткаў). У той самы час кожны шосты рэспандэнт стаў больш займацца хатнімі справамі (16 адсоткаў). 14 адсоткаў адзначылі пагаршэньне працы культурна-масавых установаў. Кожны дзявяты менчук часьцей стаў цікавіцца падзеямі ў рэспбліцы і іншых краінах (11 адсоткаў), а кожны дзясяты – больш часу праводзіць зь дзецьмі і зарабляць (па 10 адсоткаў). Іншыя бакі жыцьця менчукоў за леташні год істотных зьменаў не пацярпелі.
, iнформэр
