Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
10 сутак арышту за антырасейскі пікет 11:08, 30/01/2003
29 студзеня суд Цэнтральнага раёну Менску вынес пастанову аб адміністратыўным арышце на 10 сутак актывіста апазыцыі Вячаслава Сіўчыка. З залі суда Сіўчыка адвезьлі ў Цэнтральны РАУС Менску, адкуль пад канвоем адправілі ў спэцпрыёмнік-разьмеркавальнік на Акрэсьціна. Яго абвінавацілі ў антырасейскім пікеце 19 студзеня, у дзень прыезду ў Менск прэзыдэнта Расеі Ўладзімера Пуціна.
У якасьці сьведак у судзе выступілі два супрацоўнікі АМАП. Яны таксама заявілі, што бачылі, як Сіўчык даваў інтэрвію журналістам расейскіх СМІ, што, на іх думку, ужо само па сабе злачынства. Абвінавачваньне апазыцыянэру прад’яўлена паводле арт.167 ч.2 “Парушэньне парадку арганізацыі і правядзеньня сходаў, мітынгаў, вулічных шэсьцяў, дэманстрацыяў і пікетаваньня”, перадае БелаПАН.
Лідэр Маладога фронту Павал Севярынец перакананы, што суд прыняў рашэньне аб адміністратыўным арышце, кіруючыся палітычнымі матывамі. Вячаслаў Сіўчык, нагадаў ён, зьяўляецца кіраўніком рабочай групы па падрыхтоўцы сьвяткаваньня 85-годзьдзя Беларускай Народнай Рэспублікі (БНР).
, iнформэр
