У Беларусі скароцяць сельскагаспадарчых чыноўнікаў :: Хартыя'97 :: Навiны

На 15,8% (з 51,1 да 43 тыс.чалавек) будзе скарочана колькасьць адміністратыўнага пэрсаналу ў аграпрамысловым комплексе Беларусі. Такая мэта ў агучанага ў сераду ўказа Аляксандра Лукашэнкі «Аб удасканаленьні кіраваньня арганізацыямі аграпрамысловага комплексу».

Як паведамілі «Росбалту» ў прэс-службе прэзыдэнта, прыняцьце дакумэнту «выклікана насьпелай неабходнасьцю ўдасканаленьня структуры кіраваньня ў аграпрамысловай вытворчасьці з фармаваньнем адпаведных рынкавых механізмаў». На дадзены момант у рэспубліцы дзейнічаюць 152 структуры кіраваньня і звыш 1,3 тыс.арганізацыяў, якія абслугоўваюць аграпрамысловы комплекс. «Такая сыстэма абслугоўваньня сельскагаспадарчай вытворчасьці ўяўляе сабой грувасткую структуру, якая патрабуе шмат выдаткаў, -- гаворыцца ў паведамленьні прэсавай службы. – Многія прадпрыемствы страцілі першапачатковае прызначэньне, перапрафіляваліся, займаюцца неўласьцівымі ім функцыямі».

Чакаецца, што вынікам новаўвядзеньняў стане, у прыватнасьці, зніжэньне на 20% выдаткаў на ўтрыманьне сэрвісных службаў. У агуле эканомія выдаткаў складзе 74 млрд. беларускіх рублёў. Акрамя таго, на 544 адзінкі зьменшыцца колькасьць лёккавых аўтамабіляў, што выкарыстоўваюцца ў сфэры кіраваньня беларускім аграпрамысловым комплексам.