Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У студзені значна павялічыліся камунальныя тарыфы 13:56, 30/01/2003
У студзені значна вырасьлі тарыфы на асобныя жыльлёва-камунальныя паслугі для насельніцтва. Ацяпленьне і гарачая вада падаражэлі на 25 адсоткаў, газ - на 19,1, халодная вада - на 50, электраэнэргія - на 36,9.
У абсалютных лічбах для жыхароў Менску тарыф на ацяпленьне павялічыўся з 363,3 да 454 рублёў за квадратны мэтар агульнай плошчы, халодную ваду - з 132,7 да 199,1 рублі за кубічны мэтар, газ - з 825 да 982,83 рублі з чалавека. Кошт 1 кілават-гадзіны электраэнэргіі павялічыўся з 47,2 да 64,6 рублі (тарыф для жыхароў гарадоў, якія пражываюць у дамох з газавымі плітамі).
На сьнежаньскім узроўні засталася стаўка квартплаты (67,11 рублі за квадратны мэтар агульнай пошчы), плата за карыстаньне ліфтам (819,68 рублі) і шэраг іншых тарыфаў.
Паводле вынікаў 2002 году тарыфы на жыльлёва-камунальныя паслугі вырасьлі на 57-700 адсоткаў, 2001 году - на 33-143 адсоткі, 2000 году - на 85-731 адсотак. За апошнія тры гады ацяпленьне і гарачая вада падаражэлі 49,4 раза, газ - у 23,4 , вываз сьмецьця - у 16,7 разы, халодная вада - у 7,5 раза. Квартплата павялічылася ў 29,9 раза.
