Заробак рос павольней за спажывецкія кошты :: Хартыя'97 :: Навiны

У 2002 годзе заробак рабочых і служачых Беларусі рос павольней, чым спажывецкія кошты. Такую выснову можна зрабіць на падставе дадзеных Міністэрства статыстыкі і аналізу.

Як паведамляе БелаПАН, у рублёвым выяўленьні сярэднемесячны заробак рабочых і служачых павялічыўся за год на 32,6 адсоткі (з 174.422 да 231.223 рублёў). У той самы час спажывецкія кошты вырасьлі на 34,8%.

У даляравым выяўленьні заробак павялічыўся на 10,2 адсоткі (з 108,2 да 119,2), бо курс амэрыканскай валюты да беларускага рубля вырас усяго на 20,3 адсоткі.

Памесяцовая зьмена даляравага эквіваленту сярэдняга налічанага заробку рабочых і служачых выглядае так: сьнежань 2001 году - 108,2, студзень 2002 году - 100,2, люты - 100,7, сакавік - 103,2, красавік - 106,1, травень - 107,3, чэрвень - 111,6, ліпень - 114,9, жнівень - 114,8, верасень - 116,7, кастрычнік - 115,9, лістапад - 111,1, сьнежань - 119,2.

У 2001 годзе налічаны заробак рабочых і служачых у рублёвым выяўленьні павялічылася на 89,7 адсоткі, спыжывецкія кошты - на 46,1, курс даляра - на 32,2.

1998-2007 © Хартыя'97. E-mail: charter@charter97.org

Паважаныя кaлегi, нагадваем вам, што пад час выкарыстаньня матэрыялаў сайта спасылка на прэсавы цэнтар Хартыi'97 абавязковая

Рэкляма на сайце. Тэхнічная падтрымка webmaster@charter97.org.
Экспарт навiнаў

, iнформэр