Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рост пэнсіяў не пасьпявае за інфляцыяй 15:56, 31/01/2003
З 1 лютага ў Беларусі будуць павялічаныя памеры пэнсіяў у сярэднем на 7 адсоткаў. Як паведаміла БелаПАН начальнік пэнсійнага кіраваньня Міністэрства працы і сацыяльнай абароны Беларусі Наталя Шаўлоўская, падвышэньне будзе залежыць ад стажу і індывідуальнага каэфіцыэнту заробку кожнага пэнсіянэра. Мінімальная пэнсія працоўных пэнсіянэраў (пры стажы ня менш 45 гадоў у мужчын і ня менш 40 гадоў у жанчын і індывідуальным каэфіцыэнце 1,3 і вышэй) складзе 112.969 руб., а максымальная (пры каэфіцыэнце 4,0 і больш) - 155.629 руб.
Сёньня працоўныя пэнсіі атрымоўваюць 2400 тыс. чалавек. На выплату пэнсіяў у лютым дадаткова патрабуецца каля 16 млрд руб., а ўсяго на гэтыя мэты будзе выдаткавана 243 млрд рубл. Акрамя таго, у сувязі з зьменаю бюджэту пражытнога мінімуму будуць пералічаныя сацыяльныя пэнсіі, надбаўкі і падвышэньні да пэнсіяў. Падвышэньне пэнсіяў плянуецца правесьці за кошт скарачэньня асыгнаваньняў на аздараўленьне, паведамляе praca.by.
Варта адзначыць, што інфляцыя ў краіне трымаецца на ўзроўні каля 2,5-3% у месяц, прырост спажывецкіх коштаў толькі за першыя два тыдні студзеня 2003 году склаў 1,1%. У 2002 годзе кошты вырасьлі на 34,8%.
, iнформэр
