Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вярхоўны суд Рэспублікі Беларусь пад старшынствам Валеры Самалюка вынес рашэньне па скарзе грамадзкага аб’яднаньня “Таварыства беларускай мовы імя Францішка Скарыны” (ТБМ) у сувязі з пісьмовым папярэджаньнем Міністэрства юстыцыі, якое было вынесена арганізацыі 26 лістапада.
Як паведаміў БелаПАН старшыня ТБМ Алег Трусаў, Вярхоўны суд пакінуў у сіле пісьмовае папярэджаньне Мінюста. Папярэджаньне было вынесена ў сувязі зь незаконнымі, з пункту погляду міністэрства, дзеяньнямі Лідзкай гарадзкой арганізацыі (Гарадзенская вобласьць), актывісты якой паставілі ў верасьні леташнега году мэмарыяльны крыж у вёсцы Беліца Лідзкага раёну ў гонар сваіх продкаў. Дазвол на ўсталяваньне крыжа даў мясцовы сельсавет. Аднак Мінюст расцаніў гэты знак як “культавае ўзьвядзеньне” і абвінаваціў актывістаў арганізацыі ў правядзеньні несанкцыянаванага мітынгу ў дзень ўсталяваньня крыжа.
Яшчэ адна прэтэнзія Мінюста была зьвязаная з адсутнасьцю афіцыйнай назвы ТБМ у тэксьце рэклямнага лістка, разьмешчанага ў вагонах менскага мэтро. Алег Трусаў заявіў: “Мы выдатна разумеем, у якой краіне мы жывем, і разумеем, што асудзіць Мінюст Вярхоўны суд проста пабаяўся, каб не ствараць прэцэдэнта”.
, iнформэр
