Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У 2002 годзе ў Беларусі адзначаецца павелічэньне колькасьці злачынстваў 11:05, 05/02/2003
У 2002 годзе ў Беларусі зарэгістравана 132 тысячы 867 злачынстваў, што на 18,4 адсоткі болей, чым у 2001 годзе. Выяўлена 62 800 асобаў, якія ўчынілі злачынствы. Найбольш значны рост злачыннасьці ў Берасьцейскай, Гарадзенскай і Менскай абласьцях. Пра гэта паведаміў сёньня генэральны пракурор краіны Віктар Шэйман на паседжаньні выніковай калегіі рэспубліканскае пракуратуры.
Генэральны пракурор адзначыў, што больш за палову з учыненых злачынстваў -- крадзяжы, грабяжы і разбоі. Колькасьць наўмысных забойстваў павялічылася на 3,2 адсоткі і склала 1 183. Найбольшы рост колькасьці наўмысных забойстваў зафіксаваны ў Віцебскай і Берасьцейскай абласьцях. Летась на 45 адсоткаў стала болей крадзяжоў і гвалтаваньняў. Паводле статысткі, кожнае пятае злачынства зьдзейсьнена ў стане алькагольнага апьяненьня.
, iнформэр
