Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея ўводзіць міграцыйныя абмежаваньні для беларусаў 14:58, 06/02/2003
Расейскія ўлады будуць выдаваць міграцыйныя карткі на ўсіх межах краіны, у тым ліку і на расейска-беларускай мяжы ўсім замежнікам, якія прыяжджаюць у Расею. Гэта адбудзецца ўжо праз тыдзень -- у пятніцу 14 лютага. Пра гэта заявіў міністар унутраных справаў Расеі Барыс Грызлоў на пашыранай калегіі МУС Расеі ў Маскве.
Прэс-сакратар прэзыдэнта Расеі Громаў у размове з карэспандэнтам "Газеты.Ru" удакладніў, што ў заяве міністар меў на ўвазе, што міграцыйныя карты атрымаюць ня толькі грамадзяне трэціх дзяржаваў, якія уяжджаюць у Расею зь Беларусі, але і грамадзяне Беларусі. Акрамя таго, паводле Громава, карты атрымаюць усе грамадзяне Беларусі, якія ўжо знаходзяцца на тэрыторыі Расейскай Фэдэрацыі.
Нагадаем, што ў часы апошніх перамоваў прэзыдэнтаў Расеі і Беларусі Пуціна і Лукашэнкі расейскі лідэр асабіста запэўніў беларускае кіраўніцтва, што ўвядзеньне міграцыйных картак не закране грамадзянаў Беларусі.
