Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расейскія тэлеканалы ў Беларусі ўсё ж такі адключаць? 13:10, 06/02/2003
Белтэлерадыёкампанія абвяргае распаўсюджаную ў СМІ інфармацыю па пытаньнях вяшчаньня расейскіх тэлеканалаў і радыёстанцыяў на тэрыторыі Рэспублікі Беларусь. Беларускія і расейскія СМІ паведамлялі аб тым, што “ў Маскве прайшлі перамовы паміж кіраўніцтвам ВГТРК, прадстаўнікамі Белтэлерадыёкампаніі і кіраўніцтвам Рэспубліканскага радыётэлевізійнага цэнтру “ па пытаньнях вяшчання тэлеканалаў “Россия” і “Культура”, радыёстанцыяў “Маяк”, “Голос России” і “Юность” на тэрыторыі РБ.
Як паведамляецца ў прэс-рэлізе аддзелу па сувязях з грамадзкасьцю Белтэлерадыёкампаніі, прадстаўнікі Белтэлерадыёкампаніі ў дадзеных перамовах удзелу не прымалі. Пра рашэньне іншых міністэрстваў і ведамстваў кіраўніцтва Белтэлерадыёкампаніі ў вядомасьць не ставілася. Як падкрэсьліваецца ў прэс-рэлізе, рашэньні, прынятыя раней кіраўніцтвам Белтэлерадыёкампаніі, не мяняліся.
