Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Афіцыйны Менск рыхтуецца да візыту Хатамі 13:02, 06/02/2003
11-13 лютага Беларусь наведае дэлегацыя МЗС Ірану пад кіраўніцтвам намесьніка міністра замежных справаў Ісламскай Рэспублікі Іран у Беларусі Махсэн Амінзадэ для ўдзелу ў кансультацыях паміж Міністэрствам замежных справаў Рэспублікі Беларусь і Ірану.
Ад беларускага боку ў кансультацыях будзе ўдзельнічаць першы намесьнік міністра замежных справаў Васіль Пугачоў.
У час візыту заплянаваныя сустрэчы і перамовы сябраў іранскай дэлегацыі зь міністрам замежных справаў Міхаілам Хвастовым, кіраўніцтвам адміністрацыі Лукашэнкі, “палаты прадстаўнікоў” і Міністэрства прамысловасьці Беларусі.
Плянуецца разгледзіць пытаньні далейшай актывізацыі двухбаковага супрацоўніцтва ў розных галінах, у прыватнасьці, у сфэры гандлёва-эканамічных зносінаў. Візыт Махсэна ў нашую краіну разглядаецца ў якасьці важнага этапу падрыхтоўкі да правядзеньня візыту ў Беларусь прэзыдэнта Ірану Мохамэда Хатамі.
