Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Магілёўскі металургічны завод працягвае пратэставаць 16:35, 07/02/2003
Учора, 6 лютага, ля прахадной ААТ “Магілёўскі металургічны завод” прайшоў пікет, у якім удзел прымалі каля 200 работнікаў гэтага прадпрыемства. Пікетоўцы запатрабавалі забясьпечыць іх працай і захаваць ліцейны цэх прадпрыемства.
Сытуацыя такая, што зь верасьня месяца 2002 году на прадпрыемстве практычна не працуе ліцейны цэх, а работнікаў цэху (каля 450 чалавек) пэрыядычна адпраўляюць у адпачынак за свой кошт ці на просты (выплочваецца 2/3 заробнай платы). Заробная плата на дадзены момант у сярэднем па цэху складае 70 тысячаў рублёў.
Асаблівасьцю зьяўляецца і тое, што гэтыя работнікі зьяўляюцца акцыянэрамі прадпрыемства. Іх калегі-акцыянэры ўчора прынялі рашэньне аб кансэрвацыі цэху і скарачэньні ўсіх яго работнікаў.
У абарону работнікаў былі ўжо накіраваныя звароты ў інспэкцыю працы і пракуратуру, якія, аднак, істотна вынікаў ня далі. Чыноўнікі заводу і мясцовых уладаў (дырэктар заводу, старшыня адміністрацыі г.Магілёву і г.д.) ніякай дапамогі ў вырашэньні сытуацыі не аказваюць.
Пікетоўцы зьвярнуліся зь лістом да Аляксандра Лукашэнкі, у якім запатрабавалі вызваліць дырэктара прадпрыемства Радзівонава У.М. ад займаемай пасады і прыняць праграму па рэанімацыі ліцейнай вытворчасьці.
, iнформэр
