Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На барацьбу з даўжнікамі ЖЭСы кінулі атрады “карнікаў” 10:39, 10/02/2003, БДГ
Да “карацельных” акцыяў прыступілі ў Заводзкім раёне сталіцы брыгады сьлесароў і электрыкаў мясцовых ЖЭСаў. Яны ўжо адключылі ад энэргазабесьпячэньня больш за дзьвесьці кватэраў, у дванаццаці спыненая падача вады. Гэтыя меры – вынік кранічных няплатаў за камунальныя паслугі.
Паводле дадзеных дырэктара Заводзкага ЖРЭО Яўгена Пузача, у раёне звыш сямі тысячаў уладальнікаў кватэраў лічацца ў даўжніках, перадае Агенцтва “Менск-Навіны”. Больш за 600 зь іх не разьлічваюцца за электраэнэргію, газ, цяпло і іншыя рэсурсы па паўгады. Пісьмовыя і вусныя нагадваньні, візыты да даўжнікоў часьцей за ўсё станоўчага выніку не прыносяць. Мэтад “бізуна” пачаў прыносіць вынікі. Больш за дзьвесьце даўжнікоў з пазыкамі разьлічыліся.
