Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Колькасьць ВІЧ-інфіцыраваных пераўзышла 4,8 тысячы чалавек 11:23, 12/02/2003
У Беларусі колькасьць ВІЧ-інфіцыраваных, паводле афіцыйных дадзеных на 1 лютага сёлетняга году, склала 4 829 чалавек. Толькі за студзень на тэрыторыі краіны зарэгістравана 57 выпадкаў ВІЧ-інфэкцыяў. Летась вырасла колькасьць адміністратыўных тэрыторыяў, уцягнутых у эпідпрацэс. Іх налічваецца ўжо больш за 130.
Сумнае лідэрства па колькасьці выяўленых выпадкаў страшэннай інфэкцыі трымаюць Гомельская, Менская вобласьці, а таксама Менск. Такую інфармацыю карэспандэнту БЕЛТА далі ў аддзеле прафіляктыкі СНІД Рэспубліканскага цэнтра гігіены, эпідэміялёгіі і грамадзкага здароўя. Нагадаем, што ў гэты аддзел з сёлетняга году пераўтвораны Рэспубліканскі цэнтар прафіляктыкі СНІД, у якім за 12 гадоў ягонай дзейнасьці ёсьць унікальны практычны досьвед аказаньня як мэдычнай, так і псыхалягічнай дапамогі пацыентам і іх блізкім.
