Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы рэканструіруюць для Кадафі электрастанцыі 10:57, 12/02/2003
У Лібіі плянуецца стварыць сумеснае беларуска-лібійскае прадпрыемства па рэканструкцыі энэргетычных аб’ёмаў. Перамовы аб арганізацыі СП пройдуць у рамках візыту ў гэтую краіну 16-20 лютага дэлегацыі беларускіх энэргетыкаў на чале з дырэктарам ЗАТ “Белзьнешэнэрга” Аляксандрам Рагоўцавым.
Як паведаміў карэспандэнту БЕЛТА дарадца прэзыдэнта канцэрну “Белэнэрга” Уладзімер Кардуба, у 2002 годзе зь лібійскім бокам дасягнутая дамоўленасьць аб стварэньні прадпрыемства. Зараз будзе вызначацца памер яго статутнага фонду, вырашацца пытаньне колькасьці пэрсаналу. Плянуецца, што СП будзе займацца падборам і запрашэньнем неабходных спэцыялістаў для выкананьня заказаў па рэканструкцыі лібійскіх энэргетычных аб’ектаў. Новыя магчымасьці ўдзельнічаць у такіх праектах атрымаюць беларускія энэргетыкі. Зараз Лібія мае патрэбу ў мадэрнізацыі 62 падстанцыяў, а таксама лініі электраперадачаў і іншае абсталяваньне.
