Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Выгаворваючы ўрад за благую працу ў мінулым годзе, Аляксандар Лукашэнка раптам згадаў дэпутата так званай “палаты прадстаўнікоў” Валеры Фралова. Згадаў нядобрым словам. Паводле тых, хто прысутнічаў на гэтай справаздачы, сказаў Лукашэнка прыкладна наступнае: “Если Фролов и дальше будет выступать, то места в Беларуси ему не будет”. “Белорусская деловая газета” папрасіла Валеры Дзьмітрыевіча Фралова пракамэнтавать пасаж Лукашэнкі:
Сьпікер “парлямэнту” Беларусі Вадзім Папоў у час сустрэчы з намесьнікам міністра замежных справаў міністра замежных справаў Ірана па краінах Азіі, Акеаніі і СНД Махсэнам Амінзадэ падкрэсьліў сваю і дэпутатаў “парлямэнту” Беларусі нязгоду з пазыцыяй амэрыканскага прэзыдэнта адносна Іслямскай рэспублікі Іран. У сераду ў час гэтай сустрэчы ён заклікаў ААН іграць галоўную ролю ў рашэньні міжнародных пытаньняў і, у тым ліку, ірацкім пытаньні.
Партыя БНФ заклікае міжнародныя арганізацыі і ўрады дэмакратычных краінаў не прызнаваць заплянаваныя на 2 сакавіка мясцовыя выбары ў Беларусі свабоднымі і справядлівымі. Пра гэта гаворыцца ў заяве ўправы БНФ, агучанай 12 лютага лідэрам партыі Вінцуком Вячоркам на сустрэчы з журналістамі ў Менску. Нагодаю для такой заявы сталі, паводле лідэра партыі, шматлікія парушэньні ў часе выбарчай кампаніі па рэгістрацыі кандыдатаў.
Прэсавы сакратар кіраўніка Беларусі Наталя Пяткевіч абвяргае паведамленьне аб нібыта заплянаваным удзеле Аляксандра Лукашэнкі ў новай нядзельнай тэлеперадачы РТР “Утренний разговор с Дмитрием Киселевым”. Пра гэта паведамляе інфармацыйнае агенцтва “Интерфакс”.
Курсы нямецкай мовы Інстытуту імя Гётэ Інтэр Нацыонэс у Менску часова спыняюць сваю працу. Як паведамілі БЕЛТА ў амбасадзе Нямеччыны ў Беларусі, зьвязанае гэта з тым, што Беларускі дзяржаўны аграрны тэхнічны ўнівэрсытэт, дзе і праходзіла раней гэтая вучоба, зараз больш ня можа здаваць памяшканьні інстытуту. Курсы павінны былі пачаць сваю працу 13 лютага сёлетняга году. Зарэгістравана на іх каля 500 чалавек. У амбасадзе ўпэўненыя, што выхад з становішча будзе знойдзены і пра гэта будзе дадатковая інфармацыя.
У сераду Менскі абласны гаспадарчы суд працягваў разьбіральніцтва па зыску прадстаўнікоў нядаўна закрытай газэты “Местное время” да сталічнага аблвыканкаму. Істцы дабіваліся адмены рашэньня аблвыканкаму, на падставе якога Міністэрства інфармацыі Беларусі анулявала сьведчаньне аб рэгістрацыі газэты. Аднак судзьдзя Аляксандар Брагін прыпыніў разгляд судовага зыску газэты да аблвыканкаму і спаслаўся на тое, што газэту выключылі з рэестру падаткавай інспэкцыі і яна больш не існуе як юрыдычная асоба.
Падыходы Беларусі і Ірана па ўрэгуляваньні сытуацыі вакол Ірака шмат у чым супадаюць. У гэтым былі адзінадушнымі першы намесьнік міністра замежных справаў нашай краіны Васіль Пугачоў і намесьнік міністра замежнапалітычнага ведамства Ірана Махсэн Амінзадэ, які прыбыў у Менск для ўдзелу ў міжмзсаўскіх кансультацыях.
Візыт прэзыдэнта Ісламскай Рэспублікі Іран Саеда Махамада Хатамі ў Менск адбудзецца к лету сёлетняга году. Пра гэта паведаміў журналістам намесьнік міністра замежных справаў Ірана Махсэн Амінзадэ, які прыбыў у беларускую сталіцу для ўдзелу ў беларуска-іранскіх міжмідаўскіх кансультацыях. Паводле ягоных словаў, гэтае пытаньне абмяркоўвалася ў час перамоваў дэлегацыі МЗС Ірана з першым намесьнікам міністра замежных справаў Беларусі Васілём Пугачовым.
12 лютага сакратар Гомельскай гарадзкой выбарчай камісіі Юлія Дзенісенка адмовілася друкаваць напісаныя на беларускай мове біяграфічныя зьвесткі кандыдатаў у дэпутаты ў гарсавет Івана Яцкава і Андрэя Баранава. Дзенісенка заявіла, што “з-за адсутнасьці тэхнічнай базы” ня будзе рабіць выключэньня для Яцкава і Баранава, калі ўсе астатнія кандыдаты падрыхтавалі біяграфіі на расейскай мове.
Тэндэнцыю скарачэньня ў Беларусі вяшчаньня расейскіх тэлеканалаў варта разглядаць як вынік пашырэньня і разьвіцьця вяшчаньня беларускай тэлевізіі. Пра гэта заявіў у сераду на прэсавай канфэрэнцыі ў Менску міністар інфармацыі Беларусі Міхаіл Падгайны.
Праект Указу Алясандра Лукашэнкі “Аб аказаньні дзяржаўнай падтрымкі закрытаму акцыянэрнаму таварыству “Сталічная тэлевізія” ўхвалены на паседжаньні Прэзыдуюма Савету Міністраў. Яно адбылося 12 лютага ў доме ўрада і прайшло пад старшынствам прэм’ер-міністра Генадзя Навіцкага.
Актуальныя пытаньні двухбаковага супрацоўніцтва абмяркоўваліся ў Менску ў часе другога этапа беларуска-іранскіх міжмзсаўскіх кансультацыяў. Адказваючы на пытаньне карэспандэнта БЕЛТА, кіраўнік дэлегацыі МЗС Ірана намесьнік міністра замежных справаў гэтай краіны Махсэн Амінзадэ выказаў задаволенасьць ходам перамоваў. Паводле яго, Іран закікаўлены ў пашырэньні супрацоўніцтва зь Беларусьсю, асабліва ў гандлёва-эканамічнай сфэры. Махсэн Амінзадэ ўпэўнены, што для гэтага ёсьць усе неабходныя ўмовы.
Эўрапейскі парлямэнт на сэсіі ў Стразбургу прыняў рэзалюцыю ў падтрымку закліка Міжнароднай канфэдэрацыі свабодных прафсаюзаў (МКПС) правесьці расьсьледваньне парушэньняў правоў прафсаюзаў у Беларусі і, калі неабходна, выключыць гэтую краіну з Генэральнай сыстэмы прэфэрэнцыяў Эўразьвязу.
Летась Камітэт дзяржкантролю правяраў жыллёва-камунальную гаспадарку -- своеасаблівую “чорную дзірку” беларускага бюджэта. Сёньня ў сетцы яго негаспадарлівасьці ўсё часьцей трапляюць прадпрыемствы і насельніцтва. Адна справа аплаціць за кватэру 5 даляраў, іншая – 30 даляраў. Практыка працы ЖКГ паказвае: колькі датацыяў туды не ўлівай, усё адно гэтага мала для вытворчасьці якасных паслуг. А ўся рэформа ЖКГ зводзіцца да механічнага падвышэньня коштаў.
Прэсс-служба кампаніі “БелСел” паведамляе, што трафік паміж сеткай СП ААТ “МЛС” (гандлёвыя маркі Privet і Velcom) і ААТ СП “БелСел” адноўлены ў поўным аб’ёме. Кампанія “БелСел” выказвае падзяку Міністэрству сувязі РБ за актыўны ўдзел і садзеяньне ў вырашэньні дадзенага канфлікта, а таксама выказвае задаволенасьць, што цягам тыдня СП ААТ “МЛС” ліквідавала ўсе перашкоды па праходжаньні выклікаў.
Працоўны калектыў канцэрну “Белтрансгаз” на адмыслова скліканай канфэрэнцыі зацьвердзіў прадугледжанае ўрадам Беларусі двухэтапнае разьдзяржаўліваньне гэтага дзяржаўнага манапаліста па транспартыроўцы і пастаўцы газу. Як паведамілі РІА “Новости” у аддзеле па сувязях з грамадзкасьцю “Белтрансгаза”, на першым этапе, да 1 красавіка 2003 году, плянуецца “стварэньне адкрытага акцыянэрнага таварыства ў працэсе разьдзяржаўліваньня і прыватызацыі дзяржаўнай уласнасьці, якой валодае канцэрн”.
Беларускія энэргетыкі пры падтрымцы польскага боку пабудуюць першую ў рэспубліцы электрастанцыю магутнасьцю 660 мегават, якая працуе на вугальным паліве. Як паведамілі ў Міністэрстве энэргетыкі Беларусі, дакладнае знаходжаньне станцыі пакуль нявызначанае. Хутчэй за ўсё, яна будзе пабудаваная каля Менску на базе ТЭЦ-5, або ў Зэльве Гарадзенскай вобласьці.
Міністэрства працы Расеі занепакоенае нізкім узроўнем вытворчасьці працы і нізкай кваліфікацыяй працоўнай сілы ў Расеі. Пра гэта паведамілі ў міністэрстве напярэдадні абмеркаваньня ва ўрадзе РФ дзяржаўнай палітыкі па рынку працы. Паводле дадзеных Мінпрацы, колькасьць работнікаў вышэйшай кваліфікацыі ў Расеі складае 5% ад эканамічна актыўнага насельніцтва, у той час як у Нямеччыне гэты паказьнік дасягае 56%, у ЗША – 43%.
Сёньня на беларускім рынку пануюць расейскія кнігавыдаўцы, бо прыкладна 90% усіх кніг у айчынным кніжным гандлі складае прадукцыя расейскіх выдавецтваў, заявіў першы намесьнік міністра інфармацыі Стаіслаў Нічыпаровіч.
, iнформэр
