Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дыскрымінацыя беларускай мовы ў Беларусі 11:02, 13/02/2003, vlasti.net
12 лютага сакратар Гомельскай гарадзкой выбарчай камісіі Юлія Дзенісенка адмовілася друкаваць напісаныя на беларускай мове біяграфічныя зьвесткі кандыдатаў у дэпутаты ў гарсавет Івана Яцкава і Андрэя Баранава. Дзенісенка заявіла, што “з-за адсутнасьці тэхнічнай базы” ня будзе рабіць выключэньня для Яцкава і Баранава, калі ўсе астатнія кандыдаты падрыхтавалі біяграфіі на расейскай мове.
“Паводле Канстытуцыі і закону “Аб мовах” у Беларусі дзьве дзяржаўныя мовы: беларуская і расейская, і грамадзянам краіны гарантуецца іх права зьвяртацца ў дзяржаўныя органы як на расейскай, так і на беларускай мовах”, -- пракамэнтаваў інцыдэнт у Гомлі супрацоўнік праваабарончага цэнтру “Вясна” Валянцін Стэфановіч.
За парушэньне заканадаўства аб мовах артыкул 172 Кодэксу аб адміністратыўных правапарушэньнях прадугледжвае для службовых асобаў пакараньне ў выглядзе штрафа ад 5 да 10 мінімальных заробкаў.
