Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністар інфармацыі аб скарачэньні вяшчаньня расейскіх тэлеканалаў 10:59, 13/02/2003
Тэндэнцыю скарачэньня ў Беларусі вяшчаньня расейскіх тэлеканалаў варта разглядаць як вынік пашырэньня і разьвіцьця вяшчаньня беларускай тэлевізіі. Пра гэта заявіў у сераду на прэсавай канфэрэнцыі ў Менску міністар інфармацыі Беларусі Міхаіл Падгайны.
Паводле ягоных словаў, Беларусь ня мае мэты скараціць у краіне расейскае вяшчаньне. “Мы ідзем па разьвіцьці беларускага вяшчаньня, паступова замяшчаем у пачатку паўзу, нейкія блёкі перадачаў расейскіх тэлекампаніяў”, -- патлумачыў міністар. Як лічыць Міхаіл Падгайны, “гэта агульная тэндэнцыя краінаў СНД”.
Ён адзначыў таксама, што скарачэньне расейскага вяшчаньня выклікана эканамічнай і тэхнічнай прычынамі. Эканамічная прычына заключаецца ў несвоечасовых разьліках расейскіх тэлекампаніяў за выкарыстаньне беларускіх перадатчыкаў, а тэхнічная – у абмежаванасьці частотнага рэсурсу на тэрыторыі Беларусі. У сувязі з гэтым міністар падкрэсьліў, што ў Беларусі пачынаецца этап актыўнага развіцьця праграмнага прадукта, а таксама “магчымае адкрыцьцё чацьвёртага нацыянальнага канала”.
