Паміж Velcom і БелСел адноўлены трафік :: Хартыя'97 :: Навiны

Прэсс-служба кампаніі “БелСел” паведамляе, што трафік паміж сеткай СП ААТ “МЛС” (гандлёвыя маркі Privet і Velcom) і ААТ СП “БелСел” адноўлены ў поўным аб’ёме. Кампанія “БелСел” выказвае падзяку Міністэрству сувязі РБ за актыўны ўдзел і садзеяньне ў вырашэньні дадзенага канфлікта, а таксама выказвае задаволенасьць, што цягам тыдня СП ААТ “МЛС” ліквідавала ўсе перашкоды па праходжаньні выклікаў.

Прэсавая служба кампаніі “БелСел” нагадвае, шо пропуск трафіка для часткі абанэнтаў сеткі кампаніі “БелСел” быў блякаваны з боку СП ААТ “МЛС” 5 лютага 2003 году, напярэдадні камэрцыйнага запуска кампаніяй “БелСел” сыстэмы сотавай сувязі новага стандарту cdma2000.

Кампанія “БелСел” яшчэ раз адзначае неадпаведнасьць заканадаўству дзеяньняў, прынятых СП ААТ “МЛС”, а таксама, па-ранейшаму трымаецца пазыцыі аб неабходнасьці зьніжэньня тарыфаў па ўзаемаразьліках паміж апэратарамі мабільнай сувязі.

Камэнтуючы падзеі мінулага тыдня, генэральны дырэктар кампаніі “БелСел” Арцём Оранж адзначыў: “Мы выказваем надзею, што такі прэцэдэнт з боку кампаніі апэратара сотавай сувязі на гэты раз будзе апошняй праяваю дзеяньняў такога кшталту, якія парушаюць правы абанэнтаў, і ня стане традыцыяй пры зьяўленьні новых і мадэрнізацыі сыстэмаў мабільнай сувязі”.