Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сяляне не ў стане трымаць жывёлу 11:58, 27/02/2003
У асабістых гаспадарках Беларусі скарачаецца колькасьць пагалоўя жывёлы. Так, паводле Міністэрства статыстыкі і аналізу, у агуле за 2002 год у прыватным сэктары колькасьць кароў зьнізілася на 51,8 тысячы галоў, што складае 9,2 адсоткі ад агульнай колькасьці. У асабістых гаспадарках сталі меней трымаць сьвіней. Іх колькасьць скарацілася на 107 тысячаў галоў (8,7 адсоткі). Звыш чым на 13 і 4 адсоткі адпаведна зьменшылася колькасьць авечак і коз. Прычынамі зьніжэньня колькасьці жывёлы зьяўляюцца як складаная эканамічная сытуацыя на сяле, так і дэмаграфічная.
Насельніцтва ў сельскай мясцовасьці “старэе”. Пракарміць і даглядаць жывёлу пэнсыянэрам усё цяжэй і цяжэй. У той самы час, як паведамілі карэспандэнту БЕЛТА ў Камітэце дзяржкантролю, у першай палове лютага сельскія гаспадаркі запазычылі сельскагаспадарчай прадукцыі 2,4 мільярды рублёў. Пратэрмінованая запазычанасьць склала 824,6 мільёны рублёў.
, iнформэр
