Азэрбайджан адмаўляецца выконваць падпісаныя зь Беларусьсю дамовы :: Хартыя'97 :: Навiны

Міністэрства замежных справаў Рэспублікі Беларусь паведаміла пра пачатак расьследваньня перад увядзеньнем мераў у адказ у сувязі зь невыкананьнем Азэрбайджанскай Рэспублікай забавязкаў па міжнародных дамовах адносна Рэспублікі Беларусь. Прадметам расьсьледваньня зьяўляеца аднабаковае, насуперак падпісаным з Рэспубллікай Беларусь пагадненьняў аб гандлёва-эканамічным супрацоўніцтве, спагнаньне мытных пошлінаў з тавараў зь Беларусі.

У прыватнасьці, замежны гандаль Беларусі і Азэрбайджану рэгулюецца Пагадненьнем паміж урадам Беларусі і ўрадам Азэрбайджану аб прынцыпах гандлёва-эканамічнага супрацоўніцтва, якія былі падпісаныя і ўступілі ў моц 24 сьнежня 1993 году. Артыкулам 3 дадзенага Пагадненьня прадугледжана пазьбяганьне ўсяляга чыну тарыфных абмежаваньняў ва ўзаемным гандлі.

Акрамя таго, замежнагандлёвыя стасункі дзяржаваў-удзельнікаў СНД рэглямэнтуюцца Пагадненьнем аб стварэньні зоны свабоднага гандлю ў рамках СНД, а таксама Пратаколам аб унясеньні зьменаў і дапаўненьняў у Пагадненьне ад 2 красавіка 1999 году. У адпаведнасьці з артыкулам 3 дадзенага Пагадненьня прадугледжваецца адмена розных мытных пошлінаў, падаткаў і збораў.

Нягледзячы на гэта, паведамляе прэсавая служба МЗС, Азэрбайджан у адпаведнасьці з пастановаю Кабінэту Міністраў Азэрбайджанскай Рэспублікі ад 22 красавіка 1998 году №91 “Аб стаўках мытных пошлінаў па экспартна-імпартных апэрацыях у Азэрбайджанскай Рэспубліцы” у аднабаковым парадку прымняе імпартныя пошліны на тавары Беларусі ў памеры 15 адсоткаў ад мытнага кошту. У той самы час Беларусь не абкладае мытнымі пошлінамі тавары з Азэрбайджану, што адпавядае забавязкам па вышэйзгаданых пагадненьнях.

Увядзеньне Азэрбайджанам імпартнай пошліны адносна беларускіх тавараў адмоўна паўплывала на ўзаемны гандаль. Так, у 2002 годзе таваразварот зьнізіўся ў параўнаьні з 1998 годам у 3,03 разоў і склаў у 2002 годзе 6,7 млн. даляраў ЗША. Экспарт Рэспублікі Беларусь у Азэрбайджанскую Рэспубліку зьнізіўся ў 3,25 разоў і склаў у 2002 годзе 4,48 млн. даляраў ЗША. Такім чынам, наносіцца эканамічны ўрон Рэспубліцы Беларусь і ўзаемнаму гандлю паміж Рэспблікай Беларусь і Азэрбайджанскай Рэспублікай.

У якасьці меры ў адказ на аднабаковыя дзеяньні Азэрбайджанскай Рэспублікі па зьмене гандлёвага рэжыму можа быць увядзеньне Рэспублікай Беларусь адэкватных імпартных пошлінаў на азэрбайджанскія тавары.