Стварэньне ЕЭП асабліва спадабаецца бандытам :: Хартыя'97 :: Навiны

У Радзе бясьпекі Расеі не выключаюць, што крыміналітэт учыніць спробу скарыстаць плён працы эканамічнай інтэграцыі Беларусі , Казахстану, Расеі і Ўкраіны. Як заявіў у чацьвер журналістм першы намесьнік сакратара Рады бясьпекі Расеі Мікалай Лазавік, “рашэньні, прынятыя на нядаўняй сустрэчы прэзыдэнтаў Расеі, Казахстану, Украіны і Беларусі з усёй відавочнасьцю акрэсьлілі імкненьне нашых дзяржаваў замацаваць эканамічнае супрацоўніцтва, зрабіць больш простым перасоўваньне тавараў і паслуг праз межы”. Ён падкрэсьліў, што ў дадзеных умовах неабходна “гарантавана закрыць межы для крыміналітэту ўсіх мясьцей”, паведамляе РІА “Новости”.

Як адзначыў Мікалай Салаўёў, наркатрафік, незаконнае перасоўваньне праз мяжу тавараў і грузаў, незаконная міграцыя, пераход праз мяжу тэрарыстычных і экстрэмісцкіх групаў ужо зараз уяўляюць сабой пагрозу нацыянальнай бясьпецы краіны. Перашы намесьнік сакаратара РБ падкрэсьліў, што “найважнейшай задачай зьяляецца аналіз галоўных пагрозаў і каардынацыя дзейнасьці ўсіх структураў, якія забясьпечваюць памежную бясьпеку на тэрыторыі Расеі, узмацненьне найбольш небясьпечных участкаў мяжы, павышэньне эфэктоўнасьці нясеньня службы, а таксама ўсталяваньне канструктыўнага ўзаемадзеяньня з памежнымі ведамствамі сумежных дзяржаваў”.