Улады “забываюць” фінансаваць акадэмічную навуку :: Хартыя'97 :: Навiны

Нядаўнае прызначэньне чальцоў Вышэйшай атэстацыйнай камісіі Беларусі завершыла амаль гадавы перапынак у працы гэтай арганізацыі. Як паведамляе карэспандэнт “Известий”, ніхто ня можа патлумачыць, чаму за такі доўг тэрмін адміністрацыя Лукашэнкі не магла паведаміць кіраўніку дзяржавы пра кандыдатуры, якія маюць права прымаць канчатковыя рашэньні па ўганараваньні навуковых ступеняў і званьняў.

У вышэйшай атэстацыйнай камісіі (ВАК) Беларусі набралася сотні справаў суіскальнікаў доктарскіх і кандыдацкіх ступеняў і званьняў прафэсараў і дацэнтаў. Навукоўцы цягам мінулага году абаранялі дысэртацыі праз такую своеасаблівую сыстэму дзяржкантролю над навуковай сфэрай да гэтага, што да часу ніхто зь іх не атрымаў афіцыйнага пацьверджаньня сваёй навуковай кваліфікацыі.

Дзяржаўны орган па нагляду за працэдурай атэстацыі навуковых кадраў, да болю нагадвае савецкія часы татальнага недаверу да ўсіх навуковых супольнасьцяў, у тым ліку і спэцыялізаваных навуковых радаў па ўганараваньні навуковых ступеняў. Між тым у былых савецкіх прыбалтыйскіх рэспубліках бюракратычную структуру кшталту Вышэйшай атэстацыйнай камісіі ліквідавалі, і атэстацыя навуковых кадраў перайшла ў рукі, як і ва ўсіх краінах, да невялікіх групаў навукоўцаў пры галоўных унівэрсытэтах і дасьледчыцкіх інстытутах, якія маюць адпаведныя ліцэнзіі.

Беларускія структуры ўлады, не забываючы прадпісваць спэцыялізаваным радам усё і ўся, летась “забылі” прафінансаваць іх дзейнасьць. Да гэтага часу чальцы радаў, экспэрты і афіцыйныя апанэнты не атрымоўваюць адпаведныя ганарары за сваю працу. Кажуць, няма грошай у бюджэце. Верагодна, гэта адпавядае рэчаіснасьці. Адпавядае і тое, што гранты Фонду фундамэнтальных дасьледваньняў РБ атрымоўваюць, як правіла, з спазьненьнем на чатыры-шэсьць месяцаў.