Супрацоўнікаў Амбасады ЗША не дапусьцілі да назіраньня за мясцовымі выбарамі :: Хартыя'97 :: Навiны

У сувязі з адмаўленьнем Цэнтральнай выбарчай камісіі дапусьціць на выбары ў мясцовыя Саветы міжнародных назіральнікаў, амбасада ЗША ў Менску заклікае ўрад Беларусі прытрымлівацца забавязкаў, прынятых у рамках АБСЭ, у сфэры правядзеньня выбараў.

23 лютага амбасада ЗША перадала ў МЗС і Цэнтральную выбарчую камісію Беларусі афіцыйны запыт на акрэдытацыю дыпляматаў-супрацоўнікаў амбасады ў якасьці міжнародных назіральнікаў на выбарах у мясцовыя Саветы, прызначаных на 2 сакавіка. 25 лютага Цэнтральная выбарчая камісія адмовіла амбасадзе на той падставе, што ЦВК не накіроўвала амбасадзе запрашэньне на ўдзел у якасьці назіральнікаў. ЦВК праінфармавала амбасаду, што яна не зьбіралася запрашаць на надыходзячыя мясцовыя выбары замежных назіральнікаў.

Амбасада ЗША ў Менску лічыць, што рашэньне ЦВК супярэчыць заявам, зьмешчаным у ноце, разасланай Міністэроствам замежных справаў усім акрэдытаваным у Беларусі дыпляматычным прадстаўніцтвам 24 лютага. Гэты дакумэнт зьмяшчаў дадатковую інфармацыю наконт мясцовых выбараў 2 сакавіка. Так, адносна выбарчага працэсу ў дакумэнце гаварылася наступнае: “Усе мерапрыемствы па правядзеньні выбараў-фармаваньне выбарчых акругаў і выбарчых камсіяў, вылучэньне кандыдатаў, іх рэгістрацыя, адкрытае і свабоднае абмеркаваньне перадвыбарчых праграмаў, забесьпячэньне празрыстасьці выбарчага працэсу, удзел мясцовых і замежных назіральнікаў і свабода сродкаў масавай інфармацыі) адкрытыя для грамадзтва ў адпаведнасьці з прынцыпамі адкрытасьці, мэтазгоднасьці і, самае галоўнае, забесьпячэньня дэмакратычнага характару выбараў”.

Рашэньне ЦВК таксама супярэчыць парктыцы мінулага, калі міжнародныя назіральнікі запрашаліся для назірання за парлямнцкімі выбарамі 2000г. і прэзыдэнцкімі выбарамі 2001 г.