Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Урад прапануе ануляваць чэкі “Маёмасьць” 15:17, 03/03/2003
Урад ініцыюе ануляваньне чэкаў “Маёмасьць” без сплаты кампэнсацыі грамадзянам, якія не выкарыстоўвалі іх па мэтавым прызначэньні. Адпаведныя зьмены Міністэрства эканомікі прапануе ўнесьці “палаце прадстаўнікоў” у закон “Аб імянных прыватызацыйных чэках Рэспублікі Беларусь”.
Тэрмін абарачэньня чэкаў, як нагадаў намесьнік дырэктара Дэпартамэнту па кіраваньні маёмасьцю Мінэканомікі Ўладзімер Ваулін, вызначаны ўрадам па 30 ліпеня 2003-га году. Прадстаўнікі Мінэканомікі падкрэсьлівалі: урад двойчы падаўжаў тэрмін абарачэньня чэкаў “Маёмасьць” з тым, каб у грамадзянаў была магчымасьць выкарыстоўваць іх па прызначэньні. А выплата кампэнсацыяў зараз патрабуе значных сродкаў зь бюджэту. Гэтыя і іншыя аргумэнты, аднак, не пераканалі прысутных “дэпутатаў” у мэтазгоднасьці прыняцьця такога рашэньня. Думка чальцоў працоўнай групы была адзінадушнай, “рашэньне аб ануляваньні чэкаў без сплаты кампэнсацыяў ня знойдзе падтрымкі ў “дэпутацкага корпуса”.
