Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Замежных журналістаў на мясцовыя выбары не дапускалі 10:51, 03/03/2003
Міністэрства замежных справаў Рэспублікі Беларусь адмовіла ў акрэдытацыі журналісту славацкай газэты “SME” Любаміру Гомбашу, які мусіў быў выехаць у Беларусь для асьвятленьня выбараў у мясцовыя Саветы. Пра гэтае рашэньне яму паведамілі ў пятніцу 28 студзеня ў тэлефоннай размове з прадстаўніком прэсавага цэнтру МУС РБ.
Гэта ня першая адмова ў акрэдытацыі, якую атрымаў Гомбаш: упершыню ў падаўжэньні акрэдытацыі яму адмовілі ў верасьні 2001 году пасьля прэзыдэнцкіх выбараў. Фармальнай прычынай адмовы стала парушэньне журналістам адміністратыўнага заканадаўства РБ.
Любамір Гомбаш быў акрэдытаваны МУС РБ з 2000 году, з 1999 году рэгулярна робіць агляды беларускіх навінаў для славацкага штотыднёвіка “SME”. Акрамя гэтага, супрацоўнічае з чэскімі газэтамі “Pravo” і “Lidove noviny”, зьяўляецца афіцыйным аглядальнікам падзеяў у Беларусі для чэскіх тыднёвікаў “Respekt” і “Tyden”, а таксама славацкага тыднёвіка “Dominoforum”.
