Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Транспартнай пракуратуры не дае спакою прафсаюз авіядыспэтчараў 11:28, 03/03/2003
Беларуская транспартная пракуратура абвінавачвае кіраўніцтва Менскага авіяцыйнага каледжу ў парушэньні прэзыдэнцкага дэкрэту аб парадку правядзеньня сходаў і мітынгаў і плянуе правесьці яго да адміністратыўнай адказнасьці. Нагодаю для гэтага стаў леташні выступ перад студэнтамі каледжу аднаго зь лідэраў Беларускага прафсаюзу авіяцыйных дыспэтчараў (БПАД).
Прадстаўнік БПАД распавёў пра прафэсію авіяцыйнага дыспэтчара і прапанаваў уступаць у прафсаюз. Супрацоўнікі пракуратуры расцанілі гэтыя дзеяньні як незаконную агітацыю, бо выступ не ўзгадняўся з адміністрацыяй каледжу. У сувязі з гэтым кіраўніцтва каледжу патрабуе тлумачэньняў ад выкладчыцы, якая нібыта дазволіла “агітацыю”. Выкладчыца свайго дазволу не давала, бо проста адсутнічала ў той момант на мерапрыемстве. Аднак, як адзначыў віцэ-прэзыдэнт БПАД Алег Долбік, закон РБ “Аб прафэсійных саюзах” дае права прадстаўнікам кіроўных органаў прафсаюзаў бесперашкодна сустракацца з сваімі чальцамі. А ў Менскім каледжы яны ёсьць. “Я мяркую, што кіраўніцтва каледжа пакараюць, пакараньне закране і выкладчыка, і студэнтаў. У гэтым выпадку мы будзем вымушаныя зьвяртацца ў суд па абарону”, - сказаў Алег Долбік.
, iнформэр
