Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Канцэрт пустых каструль пройдзе ў Магілёве 10:47, 05/03/2003
12 сакавіка ў рамках Народнага маршу “За лепшае жыцьцё!” адбудзецца акцыя ў Магілёве. Пра гэта на прэсавай канфэрэнцыі, якая прайшла ў Магілёве 4 сакавіка, аб’явілі прадстаўнікі руху ЗУБР, АГП, партыі БСДГ, Свабоднага прафсаюзу Беларускага і РАА “Прыватная ўласнасьць”. Прадстаўнікі гэтых арганізацыяў заявілі журналістам, што акцыя выкліканая агалечаньнем беларусаў, ростам коштаў на асноўныя тавары і паслугі, рэзкім падвышэньнем квартплаты. Пройдзе акцыя пад сацыяльнымі лёзунгамі.
Удзельнікі прэсавай канфэрэнцыі заявілі, што мерапрыемства пачнецца 12 сакавіка а 18.00 насупраць Магілёўскага гарвыканкаму. Затым удзельнікі акцыі рушаць у кірунку аблвыканкаму, дзе і пройдзе “канцэрт пустых каструль”. Арганізатары пакуль ня сталі раскрываць сэнс гэтай фразы і папрасілі журналістаў пачакаць да 12 сакавіка.
