Багдад зацікаўлены ў пастаўках беларускае тэхнікі :: Хартыя'97 :: Навiны

Дэлегацыя Багададу на чале з мэрам Аданам Абэдам Хамэдам наведала у чацьвер Менскі аўтамабільны завод (МАЗ). Як паведаміў карэспандэнту “Медиафакт” генэральны дырэктар Менскага аўтамабільнага заводу Валянцін Гурыновіч, у час размовы з кіраўніцтвам завода сябры дэлегацыі выказалі зацікаўленасьць у пастаўках беларускай тэхнікі ў Ірак.

Паводле яго, ірацкія госьці былі зьдзіўленыя тымі магчымасьцямі вытворчасьці, якімі мае завод. У прыватнасьці, адзначыў кіраўнік МАЗа, “яны не чакалі, што на базе прадукцыі прадпрыемства таксама вырабляецца розная камунальная тэхніка, у тым ліку машыны для прыборкі сьмецьця і падмятальныя машыны, а таксама пажарная тэхніка”.

Як сказаў В.Гурыновіч, сябры дэлегацыі паабяцалі, што пасьля вяртаньня ў Багдад “дадуць заяўку ў міністэрства гандлю Іраку для закупкі некаторых відаў камунальнае тэхнікі”, якая вырабляеца на базе МАЗаў.

Ён паведаміў, што на дадзены час завод не ажыцьцяўляе пастаўкі тэхнікі ў Ірак. Нягледзячы на тое, што былі заключаныя дамовы і атрыманы дазвол камітэту ААН на пастаўку больш 700 адзінак бортавых машынаў і самаскідаў у гэтую краіну, рэалізацыя кантракту пакуль не спыненая ў сувязі з сытуацыяй, якая разьвіваецца вакол Іраку, адзначыў В.Гурыновіч.