Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларуская партыя працы намерваецца прыняць удзел у Народным маршы “За лепшае жыцьцё!”, які пройдзе ў Беларусі 12 сакавіка. Пра гэта прэсаваму цэнтру Хартыі заявіў выконваючы абавязкі старшыні партыі Леанід Лемяшонак. Паводле палітыка, Партыя працы сёньня зьяўляецца партыяй палітычнай падтрымкі беларускіх прафсаюзаў, якія, як вядома, сёньня знаходзяцца ў цяжкім становішчы: іх правы сыстэматычна парушаюцца, у краіне практычна не засталося прафсаюзаў незалежных ад улады. “Мы адзінадушныя з усімі партыямі, грамадзкімі арганізацыямі, якія 12 сакавіка будуць прымаць удзел у Народным маршы і падтрымліваем усе патрабаваньні, якія вылучаюць удзельнікі акцыі”, -- заявіў Леанід Лемяшонак.
У сувязі з паведамленьнямі ў некаторых сродках масавай інфармацыі аб тым, што абраная дэпутатам Віцебскага гарадзкога Савету Вольга Карач зьяўляецца каардынатарам руху ЗУБР па Віцебскай вобласьці, Рада беларускага руху супраціву ЗУБР заяўляе: рашэньнем Рады ЗУБРа ад 21 лістапада 2002 году Вольга Карач адхіленая ад пасады каардынатара ЗУБРа па Віцебску і Віцебскай вобласьці, і з таго моманту ня мае да беларускага руху супраціву ЗУБР ніякіх адносінаў, пра што паведамлялася ў адмысловай заяве прэсавага цэнтру ЗУБРа ў лістападзе 2002 году.
Праваабарончая арганізацыя “Міжнародная амністыя” заклікала беларускія ўлады забясьпечыць захаваньне супрацоўнікамі праваабарончых органаў правоў грамадзянаў на правядзеньне мірных дэманстрацыяў у час заплянаванай на 12 сакавіка акцыі пратэсту “Народны марш “За лепшае жыццё!”
Акцыі салідарнасьці з Народным маршам “За лепшае жыцьцё!” пройдуць 12 сакавіка ў Варшаве і Кіеве. Арганізатарамі пікету ў Варшаве, які, найбольш верагодна, пройдзе каля амбасады Беларусі, выступае польская партыя “Унія вольнасьці”. У мерапрыемстве таксама будуць прымаць удзел актывісты ЗУБРа, а таксама іншыя беларусы, якія знаходзяцца ў сталіцы Польшчы. У акцыі каля амбасады Беларусі ў Кіеве, якая пройдзе у той самы дзень, удзел будзе прымаць цэлы шэраг апазыцыйных арганізацыяў Украіны. Акцыі салідарнасьці з Народным маршам “За лепшае жыцьцё!” рыхтуюцца таксама і ў іншых гарадох Эўропы.
Анатоль Лябедзька “ігнаруе заканадаўства краіны”, лічаць у Міністэрстве юстыцыі Беларусі, дзе не спадабаўся артыкул лідэра Аб’яднанай грамадзянскай партыі (АГП) у “Народнай волі” за 4 сакавіка пад загалоўкам “Інквізыцыя”. У ёй палітык распавядае пра сваю спрэчку з КДБ Беларусі адносна незаконнага, на яго думку, вынясеньня афіцыйнага папярэджаньня.
Кожны панядзелак і чацьвер на нашым сайце будзе разьмяшчацца адна з працаў знакамітых беларускіх дызайнэраў Уладзімера ЦЭСЬЛЕРА і Сяргея ВОЙЧАНКІ. Гэтыя людзі “ўнівэрсальныя ў сэнсе здольнасьці стварэньня мастацкай канцэпцыі і адпаведнай тэхналёгіі практычна ў любой сфэры” – так напісана ў іх афіцыйным буклеце. УВАГА – працы разьмяшчаюцца на сайце толькі на некалькі дзён (!) і архіў весьціся ня будзе. Працы публікуюцца са згоды аўтараў. Аўтарскія правы на матэрыялы гэтага разьдзелу належаць Уладзімеру Цэсьлеру і Сяргею Войчанку.
Камітэт у абарону правоў журналістаў, незалежная камэрцыйная арганізацыя з штаб-кватэраю ў Нью-Ёрку, выступіла з заяваю, у якой адзначае, што ў чацьвер 4 сакавіка беларускі суд, які раней асудзіў рэдактара незалежнага тыднёвіка “Пагоня” Мікалая Маркевіча, пастанавіў, што журналіст можа знаходзіцца да канца тэрміну пакараньня ў Горадні.
Міністар замежных справаў Кубы Фэліпэ Пэрэс Роке наведае ў канцы сакавіка Менск. Пра гэта “Медиафакту” паведаміў намесьнік кіраўніка кіраваньня інфармацыі беларускага замежнапалітычнага ведамства Андрэй Савіных. Паводле яго, візыт плянуецца на 28-30 сакавіка. У час візыту бакі збіраюцца абмеркаваць пэрспэктывы пашырэньня гандлёва-эканамічнага супрацоўніцтва, адзначыў А.Савіных.
Привычные разногласия между двумя сторонами Атлантики доведут до полного раскола. И потому настало время каждому заняться своим собственным делом и потребовать от правительств разных стран ответа за каждое из их действий. Париж, по моему мнению, должен ответить на пять таких вопросов:
Запрашаем Вас прыняць удзел у экстраннай прэсавай канфэрэнцыі арганізатараў Народнага маршу “За лепшае жыцьцё!”. Тэма прэсавай канфэрэнцыі – “Адказ Менгарвыканкаму на заяўку аб правядзеньні акцыі пратэсту ў цэнтры гораду”. Мерапрыемства адбудзецца сёньня, 10 сакавіка, а 14.00 па адрэсе пляц Волі, 23 (рэдакцыя газэты “Рабочы”).
З павагаю,
Прэс-цэнтар Хартыі’97
Беларусь паступова губляе імідж краіны, прыцягальнай для мігрантаў. Паводле дадзеных Міністэрства статыстыкі і аналізу, калі ў 2001 годзе міграцыйны прырост склаў 9.085 чалавек (колькасьць тых, хто прыбыў у краіну - 23.355, хто зьехаў зь яе - 14.270), то летась - 5.561 (18.939 і 13.378).
Пакуль умовы прыватызацыі буйных беларускіх прадпрыемстваў мала прыцягальныя для расейскага бізнэсу. Такую думку на прэс-канфэрэнцыі 7 сакавіка выказаў надзвычайны і паўнамоцны амбасадар Расейскае Федэрацыі ў Рэспубіцы Беларусь Аляксандар Блохін. Паводле ягоных словаў, працэс акцыянаваньня беларускіх прадпрыемстваў з удзелам расейскага капіталу “ідзе цяжка”.
Канцэрн “Белнафтахім” і РУП “ВА Беларуськалій” прынялі рашэньне аб продажу пробнай партыі 15 тыс. тонаў калійных угнаеньняў на Кубу на ўмовах пастаўкі СIF, што прадугледжвае ўдзел у пастаўках беларускіх транспартна-экспэдыцыйных фірмаў.
Рэгістрацыя адкрытага акцыянэрнага таварыства на базе РУП “Сьветлагорскае ВА “Хімвалакно” (Гомельская вобласьць) адкладаецца на няпэўны тэрмін, паведамілі “Интерфаксу” ва ўрадзе. Як патлумачылі спэцыялісты апарату Савміну, адтэрміноўка рэгістрацыі ААТ зьвязаная з пагадненьнем 2002 году паміж канцэрнам “Белнафтахім” і Кувэйцкім фондам арабскага эканамічнага разьвіцьця аб выдачы крэдыту для рэканструкцыі Сьветлагорскага ВА “Хімвалакно” ў памеры $16,5 млн. тэрмінам на 20 гадоў пад 4-4,5% гадавых, уключна і 4-гадовы пэрыяд адтэрміноўкі платаў. Умовы гэтага пагадненьня прадугледжваюць узгадненьне з крэдыторам магчымай зьмены формы ўласнасьці прадпрыемства.
Паводле апэратыўных дадзеных Міністэрства працы і сацыяльнай абароны, на 1 сакавіка сёлетняга году запазычанасьць платнікаў абавязковых страхавых унёскаў перад Фондам сацыяльнай абароны насельніцтва міністэрства павялічлася да 162,6 мільярдаў рублёў. Гэта самы высокі аб’ём пазыкі за апошнія гады. Як паведаміў карэспандэнту БЕЛТА першы намесьнік кіраўніка Фонду сацыяльнай абароны насельніцтва Леанід Пісарчык, прырост няплаты за мінулы месяц склаў 5,2 мільярды рублёў.
Зараз каля 65 адсоткаў беларускага транспартнага флёту прастойвае на кансэрвацыі. Частка судоў значнай зношанасьці ў 1998-1999 гадах пайшла на металалом і здадзеная на Беларускі металюргічны завод.
Паводле Мінстату, у Беларусі штогод укараняецца ўсяго толькі 15-20 адсоткаў аб’ектаў інтэлектуальнай уласнасьці. Нягледзячы на тое, што большая частка вынаходак прызначаная для прамысловасьці, сродкаў на іх укараненьне не хапае. Вынаходніцкая актыўнасьць беларускіх навукоўцаў па-ранейшаму вышэй, чым у калег з краінаў СНД. У сярэднем, як паведаміў карэспандэнту БЕЛТА кіраўнік кіраваньня інфармацыі і вонкавых дзелавых сувязяў Нацыянальнага цэнтру інтэлектуальнай уласнасьці Анатоль Глеб, у год рэгіструецца каля 100 заявак на вынаходкі. Але ў краінах Усходняе Эўропы гэты паказьнік значна вышэй. Напрыклад, у Чэхіі – 400-500, у Румыніі -- ад 500 да 900 заявак падаецца ў патэнтныя ведамствы штогод.
, iнформэр
