Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Запазычанасьць платнікаў страхавых унёскаў павялічылася да 162,6 мільярдаў рублёў 11:09, 10/03/2003
Паводле апэратыўных дадзеных Міністэрства працы і сацыяльнай абароны, на 1 сакавіка сёлетняга году запазычанасьць платнікаў абавязковых страхавых унёскаў перад Фондам сацыяльнай абароны насельніцтва міністэрства павялічлася да 162,6 мільярдаў рублёў. Гэта самы высокі аб’ём пазыкі за апошнія гады. Як паведаміў карэспандэнту БЕЛТА першы намесьнік кіраўніка Фонду сацыяльнай абароны насельніцтва Леанід Пісарчык, прырост няплаты за мінулы месяц склаў 5,2 мільярды рублёў.
Памер запазычанасьці па плаце страхавых унёскаў пераўзыходзіць 66 адсоткаў месяцовай патрэбы фонду ў сродках на выплату пэнсіяў. Зараз выдаткі на іх выплату складаюць каля 245 мільярдаў рублёў у месяц.
Сярод рэгіёнаў самая высокая сума пазыкі – у Віцебскай і Магілёўскай абласьцях (адпаведна 32,4 і 31,7 мільярды рублёў). На іх тле лепей справы ў Гомельскай вобласьці, дзе прырост няплатаў за люты – нязначны, а агульная сума запазычанасьці складае 8,7 мільярды рублёў. Больш за астатніх недаплацілі ў Фонд соцабароны насельніцтва прадпрыемствы аграпрамысловага комплексу рэспублікі. Іх удзельная вага ў структуры запазычанасьці пераўзыходзіць 50 адсоткаў.
, iнформэр
