Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь губляе імідж краіны, прыцягальнай для мігрантаў 13:32, 10/03/2003
Беларусь паступова губляе імідж краіны, прыцягальнай для мігрантаў. Паводле дадзеных Міністэрства статыстыкі і аналізу, калі ў 2001 годзе міграцыйны прырост склаў 9.085 чалавек (колькасьць тых, хто прыбыў у краіну - 23.355, хто зьехаў зь яе - 14.270), то летась - 5.561 (18.939 і 13.378).
Асноўны паток жадаючых застацца ў іншай краіне накіроўваўся з краінаў СНД і Балтыі. Адтуль у 2002г. прыехалі 17.518 чалавек, з іншых дзяржаваў - 1.421. У сваю чаргу, у краіны СНД і Балтыі выехалі 8.592 чалавек, у іншыя дзяржавы - 4.786. У першым выпадку зафіксаваны міграцыйны прырост на 8.926 чалавек (у 2001 годзе - на 13.528), у другім міграцыйны спад на 3.365 чалавек (у 2001 г. - на 4.443).
Як і раней, адзначае “Белорусская газета”, асноўны міграцыйны абмен Беларусі адбываўся з Расеяй, Украінай і Казахстанам. Адмоўнае сальда міграцыйных патокаў паміж Беларусьсю і ЗША скарацілася з 1.248 да 1.042 чалавек (уехалі ў Беларусь - 75, выехалі ў ЗША - 1.117), з Нямеччынай з 1.259 да 1.188 (55 і 1.243), з Ізраілем - з 1.494 да 779 (233 і 1.012), з Польшчай – павялічылася з 32 да 42 (39 и 81).
, iнформэр
