Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амбасадару Расеі не спадабаліся ўмовы прыватызацыі беларускіх прадпрыемстваў 11:12, 10/03/2003
Пакуль умовы прыватызацыі буйных беларускіх прадпрыемстваў мала прыцягальныя для расейскага бізнэсу. Такую думку на прэс-канфэрэнцыі 7 сакавіка выказаў надзвычайны і паўнамоцны амбасадар Расейскае Федэрацыі ў Рэспубіцы Беларусь Аляксандар Блохін. Паводле ягоных словаў, працэс акцыянаваньня беларускіх прадпрыемстваў з удзелам расейскага капіталу “ідзе цяжка”.
Такую сытуацыю расейскі дыплямат пракамэнтаваў так: “Было шмат выказваньняў адносна гэтага пытаньня, у тым ліку і Аляксандар Рыгоравіч (Лукашэнка) казаў пра тое, што мы вызначаем мяжу, хто яе пераадолее, той і будзе ўдзельнічаць. Але ёсьць праблема. Па-першае, пытаньне, на якую вышыню гэтую планку ўсталяваць. Калі на вышыні дзесяці мэтраў, то, вядома, яе ніхто не пераскочыць. Калі нават планку ўсталяваць на нейкую разумную вышыню, то тады можна сказаць, давайце без разьбегу скакаць”.
