Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Заявители Народного марша «За лучшую жизнь!» Людмила Грязнова и Владимир Кобец встретились сегодня с представителями столичной милиции. На встрече присутствовал также заместитель министра внутренних дел Александр Щурко. В результате переговоров милиция разрешила участникам Народного марша собраться завтра, 12 марта, в 18.00 на площади Якуба Коласа. Дальнейшее движение участников акции будет согласовываться на месте.
Берасьцейскае абласное аддзяленьне грамадзкай арганізацыі “Праваабарончы цэнтар “Вясна” зьвярнулася ў Берасьцейскую выбарчую камісію з адкрытым лістом, у якім размова ідзе пра сыстэматычнае парушэньне заканадаўства некаторымі кандыдатамі ў дэпутаты. Адначасова, як паведаміў БелаПАН кіраўнік аддзяленьня Ўладзімер Вялічкін, ён здаў у камісію “цэлы пакет з улёткамі без выходных дадзеных кандыдата Людмілы Арловай”.
Днямі мэрыя Парыжу ўпершыню ў сваёй гісторыі прысвоіла тытул ганаровага грамадзяніна горада беларусу. Ім стаў былы рэктар Гомельскага дзяржаўнага мэдычнага інстытуту прафэсар Юры Бандажэўскі, які зараз знаходзіцца ў папраўчай калёніі ўзмоцненага рэжыму №1.
Адкрытым парушэннем выбарчага кодэксу назваў шэраг публікацыяў у берасьцейскіх СМІ напярэдадні другога тура выбараў кандыдатаў у дэпутаты Берасьцейскага аблсавету дацэнт Берасьцейскага дзяржунівэрсытэту, кіраўнік абласнога аддзяленьня Беларускай сацыял-дэмакратычнай партыі (Народная Грамада) Анатоль Ляўковіч.
Сапармурат Ніязаў і Аляксандар Лукашэнка трапілі ў сьпіс дзесяці горшых дыктатараў сучаснасьці, апублікаваны часопісам "Parade". Кандыдаты былі абраныя на аснове дакладаў уплывовых праваабарончых арганізацыяў, такіх як Freedom House, Amnesty International і Human Rights Watch.
Страйкамаўскі камітэт прадпрымальнікаў накіраваў ураду і Аляксандру Лукашэнку паведамленьне аб забастоўцы 12 сакавіка. Прадпрымальнікі таксама паведамляюць, што плянуюць далучыцца да маршу “За лепшае жыцьцё!”, які заплянаваны на 12 сакавіка.
Пасьля вяртаньня ў Горадню з папраўчай установы адкрытага тыпу пры Асіповіцкім РАУС (Магілёўская вобласьць) асуджаны журналіст Мікалай Маркевіч уладкаваўся на працу экспэдытарам. Рэдактар закрытай судом газэты “Пагоня” пачаў працаваць у фірме “Верасень” і будзе займацца экспэдыцыяй грузаў па Беларусі. Такая праца, паводле М.Маркевіча, дазволіць яму “ў поўнай меры займацца журналісцкай і грамадзкай дзейнасьцю”.
Каля 40 беларусаў, якія працавалі ў Іраку па кантрактах, прыляцелі ў панядзелак з Багдаду ў Менск. Самалёт авіякампаніі “Белавія” зафрахтаваны таварыствам беларуска-ірацкага сяброўства. На яго пралёт быў дазвол Камітэту па санкцыях ААН.
У Міністэрстве замежных справаў Беларусі адбыліся кадравыя зьмены. На пасаду прэсавага сакратара замежнапалітычнага ведамства прызначаны Андрэй Савіных, які выконваў раней абавязкі намесьніка начальніка кіраваньня інфармацыі МЗС. Пра гэта карэспандэнту БЕЛТА паведамілі ў прэсавай службе Міністэрства замежных справаў.
Чарговае паседжаньне сумеснай расейска-беларускай камісіі па падрыхтоўцы праекту Канстытуцыйнага акту “саюзнае дзяржавы” адбудзецца ў Менску 11 сакавіка. З гэтай мэтай у беларускую сталіцу прыбудзе сьпікер Дзярждумы Расеі Генадзь Селязьнёў, які зьяўляецца сустаршынём сумеснае камісіі.
Сёньня мы жывем у такі час, калі дэфіцыт асобаў, здольных на ўчынак, стаў ледзь не нацыянальнай рысай беларусаў. Але нават самыя шэрыя часы ня ў стане схаваць яскравую асобу. Андрэй Саньнікаў – надзвычайны і паўнамоцны амбасадар напярэдадні рэфэрэндуму 1996 году пайшоў у адстаўку з пасады намесьніка міністра замежных справаў. У недалёкім мінулым – спэцыяліст па раззбраеньні, які стварыў Нацыянальнае агенцтва па кантролі і інспэкцыях. Сёньня – каардынатар па міжнародных сувязях грамадзянскае ініцыятывы Хартыя’97, адзін зь лідэраў дэмакратычных сілаў Беларусі.
Рабочыя Бабруйскага акцыянэрнага таварыства (ААТ) “Дедново” гатовыя пайсьці на скрайнія формы пратэсту -- абвесьціць страйк, калі да 20 сакавіка ім ня выплацяць пазыкі па заробнай плаце, якія цягнуцца зь леташнега году. Пра гэта яны заявілі ў лісьце на імя дырэктара прадпрыемства. Пад патрабваньнямі паставілі подпісы больш за 150 работнікаў прадпрыемства (усяго на “Дедново” працуе каля 300 чалавек).
Учора перад пачаткам працоўнага дня ў Шклове ў акцыянэрным таварыстве “Райагропромтехника” частка рабочых правяла папераджальны страйк. Яны пратэстуюць супраць умоў аб’яднаньня ў адзіны агракамбінат усіх структураў, якія абслугоўваюць сельскую гаспадарку Шклоўскага раёну, а таксама супраць кандыдатуры кіраўніка аб’яднанай арганізацыі.
Як паведамiлi карэспандэнту «Звязды» ў Мiнiстэрстве статыстыкi i аналiзу, за люты агульная па краiне сума запазычанасцi па заробках узрасла з 25,9 да 28,8 млрд. рублёў. Такiм чынам, па стану на 1 сакавiка даўгi работнiкам адпавядалi 5 працэнтам ад фонду заробнае платы за адзiн месяц.
На цукровым рынку краіны – насьцярожанае чаканьне. Паводле пэсымістычных прагнозаў экспэртаў, да сёлетняга лета (калі ўсё пойдзе так, як разьвіваецца зараз) на ім застаецца адзіны гулец -- ДПТУП “Белая Русь” Кіраўніцтва справамі прэзыдэнта (КСП) Беларусі. У справе выцясьненьня з гэтае нішы канкурэнтаў кіраўнік прэзыдэнцкай гаспадаркай Галіна Жураўкава, падобна, знайшла сабе адразу двух стратэгічных хаўрусьнікаў. Адзін зь іх -- Канстанцін Сумар з шматлікімі падаткавымі інструмэнтамі ягонага ведамства, другі – Віктар Каменкаў з вялікім досьведам ягоных падначаленых ва ўсіх галінах гаспадарчага права. Зь іх дапамогай прэзыдэнцкі загадчык гаспадаркі спрабуе сёньня зрабіць усё, каб да лета ня толькі падаткавікі і судзьдзі, але і ўсё насельніцтва рэспублікі піла гарбату выключна з цукрам завозу і вытворчасьці “Белай Русі”.
10 сакавіка індывідуальныя прадпрымальнікі Горадні адправілі ліст абраным ад вобласьці 13 дэпутатам “палаты прадстаўнікоў” з заклікам адхіліць дэкрэт №4 “Аб адзіным падатку з індывідуальных прадпрымальнікаў і іншых фізычных асобаў і аб некаторых мерах па ўрэгуляваньні прадпрымальніцкай дзейнасьці”.
Беларусь і Лібія рэгіструюць сумеснае прадпрыемства для працы ў электраэнэргетычным сэктары Лібіі, паведаміў “Интерфаксу” кіраўнік ЗАТ “Белзамежэнэрга” Аляксандар Рагаўцоў. Паводле яго, падпісаньне ўсіх неабходных дакумэнтаў адбылося 19 лютага сёлетняга году. Заснавальнікамі СП выступаюць ЗАТ “Белзамежэнэрга” і Генэральная кампанія па электраэнэргетыцы Лібіі (GECOL).
Узровень беспрацоўя ў Беларусі на 1 сакавіка склаў 3,3 адсоткі да эканамічна актыўнага насельніцтва. У параўнаньні з 1 лютым сёлетняга году ён падвысіўся на 0,2 адсоткі. Самы высокі гэты паказьнік – традыцыйна ў Віцебскай вобласьці. Ён раўняецца 4,5. А самы нізкі індэкс беспрацоўя зарэгістраваны ў сталіцы – 1,8.
У калгасе “Политотделец” Лепельскага раёну ажыятаж: натоўпы людзей ірванулі на цэнтральны маёнтак – у вёску Камень. Было гэта ў канцы лютага. У той дзень выдавалі заробак. Ну, думаю, брат ажыве, атрымае грошы, набудзе харчоў, што-небудзь з вопраткі. Ён у мяне механізатар, кожны дзень ходзіць на працу. І якое ж было расчараваньне, калі вечарам ён прынёс заробак за сьнежань у суме ... трошкі болей за 8000 рублёў. Вось табе і харчы, вось табе і вопратка...
З 1 сакавіка для ўвозу ў Беларусь хлебабулачных вырабаў патрабуецца ліцэнзія. Калі раней пад ліцэнзаваньне падпадалі толькі мука і крупа замежнай вытворчасьці, то зараз сьпіс папоўніўся і замежным хлебам. Трэба меркаваць, зроблена гэта дзеля абароны ўнутранага рынку хлебапрадуктаў, асабліва ў раёнах, памежных з Расеяй і Ўкраінай, куды “чужы” хлеб да нядаўняга часу трапляў у вялікіх колькасьцях, ствараючы сур’ёзную канкурэнцыю мясцовым вытворцам.
СААТ “Мабільныя ТэлеСыстэмы” расцэньвае працу ў Беларусі не як прагматычнае пашырэнне бізнэсу, а прызнае рэспубліку галоўным парталам свайго выхаду на сотавы рынак Заходняе Эўропы. Пра гэта заявіў у Віцебску дырэктар беларускага прадстаўніцтва ААТ “МТС” (Расея) Уладзімер Ярмошын.
Менская інспэкцыя Міністэрства па падатках і зборах прапанавала гарвыканкаму ўвесьці новы падатак на ўладальнікаў некалькіх кватэраў. А тым, каму новаўвядзеньне будзе не па кішэні і хто пажадае пазбавіцца ад так званых лішкаў жылплошчы, сталічныя ўлады зьбіраюцца аказваць свайго роду рыэлтарскія паслугі.
, iнформэр
