Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мікола Маркевіч вітае ўдзельнікаў Народнага Маршу 15:23, 12/03/2003
Вітаю ўдзельнікаў Народнага маршу "За лепшае жыцьцё!". Ганаруся ўсімі маімі суайчыннікамі, хто ў гэтыя змрочныя часы небясьпечнай агоніі антынароднага і злачыннага рэжыму знайшоў у сабе сілу і волю дзеля таго, каб ўзвысіць голас у падтрымку натуральных патрабаваньняў годнага жыцьця для сябе ды сваіх дзяцей.
Толькі той варты лепшага жыцьця, хто патрабуе яго, дамагаецца яго ўсімі магчымымі спосабамі. Аднак, у клопаце пра свой уласны дабрабыт, мы ня можам, ня маем права забыць сёньня на бязьвінныя ахвяры Лукашэнкі - карэспандэнта забароненай уладамі газэты "ПАГОНЯ" Паўла Мажэйку ды рэдактара газэты "Рабочы" Віктара Івашкевіча. Яны паводле прысуду лукашэнкаўскага суда сёньня абмежаваныя ў сваёй свабодзе, вымушаныя знаходзіцца ня тут, а сярод крымінальнікаў, у жудасных невыносных умовах. І ўсё гэта толькі за тое, што гэтыя мужныя журналісты несьлі людзям словы праўды, выконвалі свой прафэсійны абавязак па аб`ектыўным інфармаваньні грамадзтва.
Ня можа быць свабоднай і багатай краіна, дзе зьневажаецца свабода слова, дзе перасьледуюць і караюць людзей за іх перакананьні. Таксама і аніводзін з нас ня будзе свабодным і багатым, пакуль ў краіне ёсьць палітычныя зьняволеныя. А таму заклікаю ўдзельнікаў маршу патрабаваць неадкладнага вызваленьня вязьняў сумленьня - журналістаў Паўла Мажэйкі ды Віктара Івашкевіча! Дзеля нашага дабрабыту! Дзеля дабра і справядлівасьці! Дзеля гуманізму!
За Вашую й нашую свабоду!
Галоўны рэдактар забароненай уладамі газэты "ПАГОНЯ"
