Акцыя “Народны марш” пачалася з страйку прадпрымальнікаў :: Хартыя'97 :: Навiны

Раніца 12 сакавіка пачалася з усеагульнага страйку прадпрымальнікаў, які праходзіць у рамках агульнанацыянальнай акцыі “Народны марш “За лепшае жыцьцё!”. сёньня ў Менску цалкам “сталі” рынкі “Трактар”, “Аквабэл”, “Чэрвенскі”, выставачныя цэнтры “Зеркало”, “Паркінг”, выстава-продаж у Палацы спорту. Цалкам пусты буйнейшы рэчавы рынак сталіцы – “Дынама”. Цікавы факт: за дзьве гадзіны да пачатку працы на рынак прыехала здымачная група Беларускай тэлевізіі і адзьняла 30 намётаў, якія адмыслова выставілі на пустой плошчы... Не працуюць большасьць прадпрымальнікаў на рынку “Ждановічы”. Паводле папярэдняй інфармацыі бастуюць прадпрымальнікі Горадні, Магілёву, Гомлі, Віцебску, Сьветлагорску, Рагачова, Мозыра, Барысава, Баранавічаў, Жлобіна, Пінску, Салігорску, Наваполацку. Інфармацыя пра тое, дзе праходзяць страйкі прадпрымальнікаў, будзе паведамляцца на нашым сайце па меры паступленьня. А вечарам у сталіцы пройдзе Народны марш “За лепшае жыцьцё!”. Да яго далучацца і прадпрымальнікі, што сёньня бастуюць. Пачатак акцыі – 18.00, плошча Якуба Коласа. Акцыі салідарнасьці з Народным маршам пройдуць сёньня па ўсёй краіне і за мяжой.