Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыя “За лепшае жыцьцё!” у Барысаве 10:41, 13/03/2003
Вечарам 12 сакавіка мітынг у падтрымку маршу “За лепшае жыцьцё!” прайшоў у Барысаве. Акцыя, удзел у якой прынялі каля двухсот чалавек, прайшла на цэнтральнай плошчы гораду каля будынка гарвыканкаму.
Мітынг цягнуўся каля паловы гадзіны. На ім выступалі пэнсіянэры, з суседняй вёскі прыехаў нават 82-гадовы дзед, які распавёў пра гаротны стан беларускай вёскі. У акцыі прынялі ўдзел актывісты руху ЗУБР і прадпрымальнікі. Людзі трымалі плякаты “Не аддамо заробак за квартплату”, “Не замінайце нам працаваць”.
За акцыяй сачыла вялікая колькасьць супрацоўнікў міліцыі. Былі затрыманыя двое актывістаў руху ЗУБР, якія трымалі плякат “Не аддамо заробак за квартплату”. Іх адпусьцілі дадому ў гэты ж дзень позна вечарам.
