Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыя “За лепшае жыцьцё!” у Гомлі 10:39, 13/03/2003
Гомельскія ўлады не дазволілі мясцовым прадпрымальнікам наладзіць мітынг “За лепшае жыцьцё!” у цэнтры гораду і дазволілі мітынгаваць на бязьлюднай плошчы ля Палацу таварыства глухіх.
Таму сёньня а 17.00, нягледзячы на моцны дождж з сьнегам, шэраг прадпрымальнікаў і прадстаўнікоў моладзевага руху ЗУБР без усялякага дазволу ўладаў сабраліся на плошчы Паўстаньня. Тут было шмат міліцыі, удзельнікі акцыі ў пачатку ніякіх плякатаў не разгортвалі. Яны стаялі маўкліва ці размаўлялі каля пастамэнту, на якім стаіць танк Т-34 часоў вайны.
А 18 гадзіне моладзь разгарнула плякат “Так жыць нельга!”. Падбеглі міліцыянты і разарвалі яго.
“Зубры” раздавалі ўлёткі "Ён павінен сысьці!”.
Міліцэйскі апэратар здымаў усіх удзельнікаў акцыі на відэастужку.
