Лукашэнка выдаў Указ “Аб афшорным зборы” :: Хартыя'97 :: Навiны

Аляксандар Лукашэнка выдаў Указ “Аб афшорным зборы”. Як паведамляе прэсавая служба прэзыдэнта, згодна гэтаму дакумэнту платнікамі афшорнага збору зьяўляюцца юрыдычныя асобы і індвідуальныя прадпрымальнікі – рэзыдэнты Рэспублікі Беларусь. Стаўка збору вызначаная ў памеры 15%.

Па такой самай стаўцы будзе спаганяцца афшорны збор пры неграшовай форме выкананьня забавязкаў перад нерэзыдэнтамі РБ зарэгістраванымі ў афшорных зонах, а таксама пры праходзе ў адпаведнасьці з заканадаўствам маёмасных правоў і (ці) забавязкаў у сувязі з пераменай асобаў у забавязках, бакамі якіх выступаюць рэзыдэнт Рэспублікі Беларусь і нерэзыдэнт Рэспублікі Беларусь, зарэгістраваны ў афшорнай зоне.

Афшорны збор не спаганяецца пры вяртаньні юрыдычнымі асобамі і індывідуальнымі прадпрымальнікамі крэдытаў, займаў і працэнтаў за карыстаньне імі, раней атрыманымі ад нерэзыдэнтаў Рэспублікі Беларусь, а таксама за тавары, увезеныя на тэрыторыю Рэспублікі Беларусь, працы (паслугі) выкананыя да таго, як указ набраў моц, і зь якіх гэты збор не спаганяўся.

Акрамя таго, указам вызначаная адказнасьць банкаў і небанкаўскіх крэдытна-фінансавых арганізацыяў за парушэньне парадку пераводу грашовых сродкаў, зь якіх спаганяецца афшорны збор, а таксама плацельшчыкаў збору за непадачу ці несвоечасовую падачу ў банкі і небанкаўскія крэдытна-фінансавыя арганізацыі плацежных інструкцыяў на пералічэньне афшорнага збору.

Дадзены ўказ упарадкуе сплату афшорнага збору з усіх суб’ектаў незалежна ад таго, у якой форме праводзяцца разьлікі. Тым самым у аднолькавыя ўмовы ставяцца суб’екты гаспадараньня, якія праводзяць разьлікі як рэальнымі грашовымі сродкамі, так і ў іншай форме. Таксама гэтая мера дазволіць ажыцьцяўляць рэальны кантроль за пералічэньнем сродкаў у афшорныя зоны і супрацьдзейнічаць незаконнаму вывазу капіталу. Акрамя таго, чакаецца рост паступленьня сродкаў у рэспубліканскі бюджэт, якія будуць накіраваныя на фінансаваньне сацыяльнай сфэры.