Пад Чарнобылем да гэтага часу стала жывуць 410 чалавек :: Хартыя'97 :: Навiны

У 13 населеных пунктаў зоны адчужджэньня і зоны абавязковага адсяленьня пад Чарнобылем пражывае 410 самасёлаў. Пра гэта заявіў на прэсавай канфэрэнцыі ў чацьвер у Кіеве кіраўнік дзяржаўнага дэпартамэнту адміністрацыі зоны адчужджэння і зоны абавязковага адсяленьня Ўладзімер Халош.

Паводле яго, у асноўным гэта людзі сталага веку. “Частка гэтых людзей вярнулася на месца жыхарства адразу пасьля эвакуацыі, частка вярнулася праз сацыяльна-эканамічныя праблемы пазьней”, -- падкрэсьліў Холаш.

Ён таксама адзначыў шэраг праблемаў, якія зьяўляюцца з-за самасёлаў, у прыватнасьці, праз іх сваякоў. “Бываюць выпадкі, калі візытэры едуць да бабуль, а пасьля мы фіксуем іх у браканьерстве”, -- паведаміў Уладзімер Холаш.

Паводле яго, у гэтых населеных пунктах амаль цалкам адсутнічае інфраструктура. Для жыхароў зоны адчужджэньня раз на тыдзень прывозяць хлеб, у кожным сяле існуе радыёстанцыя, па якой перадаюцца сыгналі аб магчымай дапамозе, адзначыў Холаш.

Да Чарнобыльскай аварыі ў красавіку 1986 году ў зараз вызначанай зоне адчужджэньня знаходзіліся 94 населеных пункта, паведамляе “Интерфакс”. Пэрымэтар зоны – 439 км, зь якіх на мяжу зь Беларусьсю прыпадае 154,5 км.

На тэрыторыі зоны засяроджаныя 2,8 млн. кубамэтраў радыёактыўных адходаў, актыўнасьцю больш за 200 тыс. кюры. Там працуюць 135 прадпрыемстваў і арганізацыяў, 9 зь якіх падпарадкаваныя МЧС РФ.