Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зварот арыштаваных арганізатараў Народнага маршу да ўдзельнікаў Усебеларускага сходу інтэлігенцыі 11:22, 17/03/2003
Шаноўныя сябры! На жаль, мы ня можам сёньня разам з Вамі ўдзельнічаць на гэтым форуме беларускай інтэлігенцыі. Але, знаходзячыся пад арыштам, мы ўсё адно разам з Вамі, бо праблемы, якія Вам неабходна абмеркаваць, па сутнасьці, зьяўляюцца лёсавызначальнымі для беларускай нацыі і беларускай дзяржаўнасьці. Упэўненыя, што на зьезьдзе будуць прынятыя рашэньні, якія будуць садзейнічаць кансалідацыі ўсіх дэмакратычных сілаў краіны, умацаваньню незалежнай і дэмакратычнай Беларусі.
12 сакавіка ўдзельнікі Народнага маршу “За лепшае жыцьцё!” заявілі, што ў выпадку, калі іх патрабаваньні ня будуць прынятыя да ўвагі, яны пакідаюць за сабой права на працяг масавых акцыяў пратэсту. Марш “За лепшае жыцьцё!” толькі пачаў ў 2003 годзе рух людзей, якія нязгодныя з палітыкай рэжыму. Наперадзе Дзень Волі 25 сакавіка, Чарнобыльскі шлях 26 красавіка, іншыя акцыі. Будзем разам, і мы пераможам. Жыве Беларусь!
Людміла Гразнова,
Андрэй Саньнікаў,
Зьміцер Бандарэнка,
Леанід Малахаў
г. Менск, спэцпрыёмнік-разьмеркавальнік, вул. Акрэсьціна, 36, 16 сакавіка 2003г.
, iнформэр
