Паход у «парлямэнт» :: Хартыя'97 :: Навiны

Рашэньнем Страйкавага Камітэту прадпрымальнікаў Рэспублікі Беларусь ад 16 сакавіка 2003 году ў Беларусі абвешчаная новая акцыя пратэсту прадпрымальнікаў “паход у “парлямэнт”. 1 красавіка 2003 году прадстаўнікі прадпрымальнікаў розных рэгіёнаў Рэспублікі Беларусь а 10.00 намерваюцца прыйсьці да будынку “нацыянальнага сходу” Рэспублікі Беларусь і Савету міністраў Рэспублікі Беларусь (пл. Незалежнасьці, Дом ураду, помнік У.Леніну).

Асноўных патрабаваньняў чатыры:

-- адмяніць новыя рабаўнічыя і бязглуздыя Дэкрэты прэзыдэнта Рэспублікі Беларусь, зьвязаныя з сацыяльным страхаваньнем аб адзіным падатку для прадпрымальнікаў.

-- спыніць канфіскацыю маёмасьці ў грамадзянаў па фармальных і надуманых прызнаках.

-- зьменшыць стаўкі адзінага падатку ў тры разы.

-- зьменшыць аплату за камунальныя паслугі для насельніцтва да сумы, якая ня будзе пераўзыходзіць 30% ад пражытнога мінімуму.