Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Я пішу Вам з Беларусі - краіны, дзе правы й свабоды чалавека не паважаюцца, а людзі, якія іх бароняць, перасьледуюцца міліцыяй і гэтак званымі "праваахоўнымі органамі". Але ў нас няма ні аб`ектыўнага суду, ні пракуратуры, якая б абараняла закон.
Аляксандар Лукашэнка 18 сакавіка накіраваў віншаваньне прэзыдэнту Іслямскай Рэспублікі Іран Сэеду Махамаду Хатамі з нагоды дзесяцігодзьдзя ўсталяваньня дыпляматычных зносінаў паміж Беларусьсю і Іранам. За гэты пэрыяд дзякуючы курсу на ўмацвааньне сувязяў нашыя краіны дасягнулі значных вынікаў у палітычнай, гандлёва-эканамічнай і гуманітарнай абласьцях. Іх патэнцыял надае ўпэўненасьць, што двухбаковае супрацоўніцтва будзе і далей пашырацца, гаворыцца ў пасланьні.
“У праекце новай рэдакцыі закону аб СМІ пойдзе размова і пра Інтэрнэт-выданьні. Гэтым таксама трэба займацца, вызначыць прававыя рамкі. Я зараз жа нічога ня могуць зрабіць ўладальніку вэб-выданьня – нават калі там зьявіцца некарэктная ці скажоная інфармацыя”, -- заявіў у інтэрвію, апублікаваным ў сёньняшнім нумары “Советской Белоруссии”, міністар інфармацыі Беларусі Міхаіл Падгайны.
Ваенныя дзеяньні ЗША супраць Іраку прывядуць да расколу сусьветнай супольнасьці і справакуюць новыя ваенныя канфлікты. Такую думку ў інтэрвію “Интерфаксу” ў аўторак выказаў кіраўнік камісіі па міжнародных справах і нацыянальнай бясьпецы верхняй палаты беларускага “парлямэнту” Мікалай Чаргінец. “Дзеяньні Буша нагадваюць дзеяньні слана ў краме посуду: ён гатовы разьнесьці ўсю краму толькі таму, што яму не падабаецца як сябе паводзяць іншыя”, -- заявіў “парлямэнтар”.
Зь беларускіх грамадзянаў у Іраку па-ранейшаму застаецца толькі два дыпляматы. Як паведаміў БелаПАН прэсавы сакратар МЗС Беларусі Андрэй Савіных, яны маюць усе інструкцыі на выпадак пачатку ваенных дзеяньняў у гэтым рэгіёне. У прыватнасьці, як паведаміў прэсавы сакратар, беларускія дыпляматы “выедуць з Іраку наземным транспартам у адну зь межавых дзяржаваў”. На мінулым тыдні каля 180 грамадзянаў Беларусі, якія працавалі ў Іраку па беларускіх і расейскіх кантрактах, былі эвакуяваныя з гэтай краіны. Як падкрэсьліў Андрэй Савіных, міжнародная супольнасьць павінна працягваць прыкладаць намаганьні па мірным урэгуляваньні пытаньня вакол Іраку. Такая, паводле яго, пазыцыя беларускага боку.
Чатыры грамадзянiна Беларусi Людмiла Гразнова, Зьмiцер Бандарэнка, Андрэй Саньнiкаў i Леанiд Малахаў, згодна з клясыфiкацыяй праваабарончай арганiзацыi "Мiжнародная амнiстыя", сталi ў канцы мiнулага тыдня "вязьнямi сумленьня". Як вядома, iх кiнулi за краты на пятнаццаць сутак. Зьдзiўляе пазыцыя Арганiзацыi па бясьпецы i супрацоўнiцтве ў Эўропе (АБСЭ), чыя мiсiя вось ужо два месяцы нiбы працуе ў Менску. Сутнасьць гэтай пазыцыi, на мой погляд, адсутнасьць зразумелай пазыцыi. Рэжым Лукашэнкi ў чарговы раз растаптаў правы чалавека, а мiсiя АБСЭ -- нi слова...
У Менску разгарэўся скандаль, выкліканы публікацыяй “Расейскі амбасадар у ролі беларускага змоўшчыка”. Нагадаем, у публікацыі размова ішла пра тое, што Надзвычайны і Паўнамоцны Амбасадар РФ у Беларусі Аляксандар Блохін заснаваў у Менску закрыты “Клюб дзелавых людзей”, паседжаньні якога праходзяць у элітнай рэстарацыі, якая належыць расейскім інвэстарам. Там на "тайных вячэрах” амбасадар абмяркоўвае з расейскімі бізнэсоўцамі мэтады ўплыву на беларускі ўрад.
46 адсоткаў жыхароў гораду Менску, якія не прынялі ўдзелу ў выбарах дэпутатаў мясцовых Саветаў, матывавалі свае дзеяньні тым, што выбары нічога ня зьменяць. Пра гэта яны заявілі падчас зандажу грамадзкае думкі, які правяла 3-6 сакавіка сацылягічная служба “Зеркало” інфармацыйнай кампаніі БелаПАН. Усяго было апытана 500 менчукоў-выбарцаў.
Ірацкая палітыка Беларусі ўсё больш раздражняе ЗША. Як піша са спасылкай на крыніцы ў дыпляматычных колах ЗША маскоўскі карэспандэнт аўстрыйскай “Salzburger Nachrichten”, сваёй дзёрзкасьцю Лукашэнка правакуе Вашынгтон на разгляд адпаведнага сцэнару ў дачыненьні да Менску.
Улады Беларусі абмяжоўваюць і парушаюць правы грамадзянаў на мірныя сходы, гарантаваныя Канстытуцыяй і міжнароднымі актамі ў галіне правоў чалавека, ратыфікаванымі Рэспублікай Беларусь. Затрыманьні і арышты арганізатараў сацыяльнай акцыі пратэсту Народны марш “За лепшае жыцьцё”, які адбыўся ў Менску 12 сакавіка 2003 года, сьведчаць пра тое, што ўлады баяцца масавых праяваў сацыяльнага пратэсту.
Першыя месцы ў рэйтынгу краінаў па ўзроўню свабоды слова занялі Фінляндыя, Ісляндыя, Нарвэгія і Нідэрлянды. Да такой высновы прыйшла арганізацыя “Рапарцёры без межаў”, якая апублікавала ў панядзелак гэты рэйтынг на сайце www.rsf.fr. ЗША занялі 17-ае месца. Сярод краінаў СНД Таджыкістан заняў 86-е месца, Кіргізія — 98, Азэрбайджан — 101, Украіна — 112, Казахстан — 116, Узбэкістан — 120, Расея — 121, Беларусь — 124, Туркмэністан — 136. У маніторынг не ўвайшлі Армэнія, Грузія і краіны Балтыі, бо ў арганізацыі адсутнічала дакладная інфармацыя. Дасьледваньне праводзілася сярод 139 краінаў сьвету.
Беларусь па-ранейшаму выступае за мірнае ўрэгуляваньне ірацкага пытаньня. Учора, 17 сакавіка, старшыня Фэдэрацыі прафсаюзаў Беларусі Леанід Козік сустрэўся з Надзвычайным і Паўнамоцным амбасадарам Іраку ў Беларусі Салманам Зэйданам. На сустрэчы закраналіся пытаньні эканамічнага супрацоўніцтва Беларусі і Іраку, а таксама сытуацыя, датычная магчымай ваеннай агрэсіі ЗША супраць Іраку. На думку бакоў, Ірак выконвае ўсе сьцверджаньні рэзалюцыі ААН, адпаведна, няма падставаў для разгортваньня вайсковых дзеяньняў. Леанід Козік падкрэсьліў, што Фэдэрацыя неаднаразова выступала за кансалідацыю ўсіх дзяржаваў вакол такіх прынцыпаў міжнародных стасункаў, як неўмяшальніцтва ва ўнутраныя справы іншай краіны.
Расейцы і беларусы не сышліся ў думках аб пэрспэктывах аб`яднаньня. Ідэя стварэньня адзінай дзяржавы Расеі й Беларусі карыстаецца значна большай папулярнасьцю ў першай, чым у другой, -- пра гэта сьведчаць вынікі апошніх сацыялягічных дасьледваньняў.
Галяндзкае аддзяленьне праваабарончай арганізацыі “Міжнародная амністыя” зьвярнулася з адкрытым лістом да Аляксандра Лукашэнкі, у якім выказала занепакоенасьць арыштам арганізатараў Народнага маршу “За лепшае жыцьцё!” Людмілы Гразновай, Андрэя Саньнікава, Зьмітра Бандарэнкі і Леаніда Малахава. “Міжнародная амністыя” лічыць арыштаваных палітыкаў вязьнямі сумленьня і заклікае ўлады неадкладна вызваліць іх.
Абмежаваньне прыватнай уласнасьці перашкаджае стварэньню спрыяльнага інвэстыцыйнага клімату Беларусі, што негатыўна ўплывае на прыцягненьне замежных інвэстараў. Такую думку выказаў у інтэрвію “Интерфаксу” Надзвычайны і Паўнамоцны амбасадар Францыі ў Беларусі Стэфан Шмелеўскі.
Не пасьпела ўчора “СБ” паведаміць пра абвал балконаў у вёсцы Мішкавічы Шумілінскага раёну, як прыйшло падобнае паведамленьне зь Менску. У доме па вул. Антонаўскай працяканьне даху пацягнула разбурэньне часткі сьцяны і праз гэта зсунулася ваконная перамычка. Толькі экстранае ўмяшальніцтва спэцыялістаў мясцовага ЖРЭО, навукова-дасьледчага і праектна-канструктарскага інстытута будаўніцтва прадухіліла драматычнае разьвіцьцё падзеяў. Але дзе гарантыя, што гэтага ўдасца пазьбегнуць у іншых выпадках?
Толькі 17 адсоткаў менчукоў лічаць якасьць пітной вады добрай для піцьця і прыгатаваньня ежы. 45 адсоткаў прызнаюць яе здавальняючай і 35 адсоткаў – благой. Такія дадзены зандажу грамадзкай думкі, праведзенага сацыялягічнай службай «Зеркало» інфармацыйнай кампаніі БелаПАН 3-6 сакавіка сёлетняга году па даручэньні прадстаўніцтва Арганізацыі Аб`яднаных Нацыяў (ААН) у Беларусі.
18 сакавіка ўрад Беларусі зноў разгледзіць праблему рахункаў за энэргарэсурсы і электраэнэргію. Як паведаміла нашая крыніца ва ўрадзе, дадзенае пытаньне было адкладзенае на мінулым прэзыдыюме, бо дакумэнты паступілі за паўгадзіны да пачатку паседжаньня.
Яшчэ адно маштабнае будаўніцтва распачынаецца ў Магілёўскай вобласьці. У Бабруйску ўзьвядуць другі ў вобласьці лядовы палац, які будзе адпавядаць усім міжнародным стандартам. Зьмяшчальнасьць хакейнага храма невялікая – усяго 1 тысяча гледачоў.
Шырокі спэктар двухбаковага ўзаемадзеяньня абмеркавалі Надзвычайны і Паўнамоцны амбасадар Беларусі ў Расеі Ўладзімер Грыгор’еў і кіраўнік дыпляматычнае місіі Лаоскай Народна-Дэмакратычнай Рэспублікі Тхонгсаван Фомвіхан. Сустрэча Ўладзімера Грыгор’ева з лаоскім амбасадарам адбылася 17 сакавіка па просьбе замежнага дыплямата.
Паводле прагнозаў спэцыялістаў, у 2003 годзе дзяржаўнай службай занятасьці будзе зарэгістравана ня менш за 233,2 тысячы беспрацоўных. Як паведаміў БелаПАН намесьнік дырэктара дэпартамэнту па занятасьці Міністэрства працы й сацыяльнай абароны Беларусі Мікалай Баранаў, на дадзены час, «пасьля адноснай стабільнасьці цягам працяглага пэрыяду» сытуацыя на рынку працы ў краіне абвастрылася.
Па выніках лютага спажывецкія кошты ў Беларусі вырасьлі на 1,9 адсоткі, а за 11 дзён сакавіка – яшчэ на 1,3 адсоткі. Такія дадзеныя атрыманыя БелаПАН у Міністэрстве статыстыкі і аналізу.
Паводле дадзеных МУС Расеі, летась у Расеі за вытворчасьць кантрафактнай прадукцыі была прыпыненая дзейнасьць 350 прадпрыемстваў з 30 тысячаў правераных супрацоўнікамі міліцыі. У іх канфіскавалі падробак амаль на 280 млн. рублёў, распачалі амаль 3 тыс. крымінальных справаў і прыцягвалі да адказнасьці больш за 7 тыс. чалавек. Абганяюць Расею хіба што іншыя краіны СНД: на Ўкраіне доля кантрафактнай прадукцыі – 90%, у Беларусі—94%.
, iнформэр
