“Міжнародная амністыя”: свабоду арганізатарам Народнага маршу! :: Хартыя'97 :: Навiны

Галяндзкае аддзяленьне праваабарончай арганізацыі “Міжнародная амністыя” зьвярнулася з адкрытым лістом да Аляксандра Лукашэнкі, у якім выказала занепакоенасьць арыштам арганізатараў Народнага маршу “За лепшае жыцьцё!” Людмілы Гразновай, Андрэя Саньнікава, Зьмітра Бандарэнкі і Леаніда Малахава. “Міжнародная амністыя” лічыць арыштаваных палітыкаў вязьнямі сумленьня і заклікае ўлады неадкладна вызваліць іх.

Паважаны спадар Прэзыдэнт,

Мы глыбака занепакоеныя арыштам Андрэя Саньнікава, Людмілы Гразновай, Зьмітра Бандарэнкі і Леаніда Малахава за тое, што яны скарысталі сваё законнае права на свабоду самавыказваньня, а таксама свабоду сходаў і асацыяцыяў. Арышт адбыўся насуперак міжнародных праваабарончых забавязкаў, узятых на сябе ўрадам, такіх, як артыкул 19 і 20 Міжнароднага пагадненьня па грамадзянскіх і палітычных правох.

“Міжнародная амністыя” лічыць Саньнікава, Гразнову, Бандарэнку і Малахава вязьнямі сумленьня і заклікае Вас неадкладна і без усялякіх умоваў вызваліць іх.

Мы таксама заклікаем Вас захоўваць правы чалавека і паважаць асноўныя свабоды грамадзянаў у Вашай краіне:

-- ніхто не мусіць прыціскацца незаконным арыштам і затрыманьнямі (арт.7 Усеагульнай Дэклярацыі Правоў Чалавека)

-- кожны чалавек мае права на самавыказваньне (арт.19 Дэклярацыі)

-- кожны чалавек мае права на свабоду сходаў і асацыяцыяў (арт.20 Дэклярацыі).

З павагаю,
Ян ван дэр Мэлен,
Эрык Кісінг,
Гаага, 14 сакавіка.