Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Бабруйску пабудуюць лядовы палац 11:23, 18/03/2003
Яшчэ адно маштабнае будаўніцтва распачынаецца ў Магілёўскай вобласьці. У Бабруйску ўзьвядуць другі ў вобласьці лядовы палац, які будзе адпавядаць усім міжнародным стандартам. Зьмяшчальнасьць хакейнага храма невялікая – усяго 1 тысяча гледачоў.
Сьціплыя апетыты заказчыкаў, па ўсёй верагоднасьці, абумоўленыя невялікім сродкамі. А быў выдатны шанец прыцягнуць да будаўніцтва сапраўдныя заходнія інвэстыцыі. Амэрыканскі піўны гігант "Detroit Brewing Cо" плянаваў выкупіць кантрольны пакет акцыяў мясцовага банкрутнага піўзавода і ўкласьці ў яго рэканструкцыю 25 млн. даляраў. Аднак амэрыканцаў на завод пакуль не пускаюць, а таму мясцовыя ўлады пазбаўленыя магчымасьці ўнесьці лядовую арэну адным з пунктаў у інвэстыцыйнае пагадненьне, паведамляе «Белорусская газета».
