Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія трактары будуць экспартаваць у Лаос 11:19, 18/03/2003
Шырокі спэктар двухбаковага ўзаемадзеяньня абмеркавалі Надзвычайны і Паўнамоцны амбасадар Беларусі ў Расеі Ўладзімер Грыгор’еў і кіраўнік дыпляматычнае місіі Лаоскай Народна-Дэмакратычнай Рэспублікі Тхонгсаван Фомвіхан. Сустрэча Ўладзімера Грыгор’ева з лаоскім амбасадарам адбылася 17 сакавіка па просьбе замежнага дыплямата.
Паводле інфармацыі беларускай амбасады ў Расеі, лаоскі бок праявіў цікавасьць да прадукцыі беларускага машынабудаваньня, якая традыцыйна карыстаецца папулярнасьцю ў Паўднёва-Усходняй Азіі. Таксама амбасадар Лаосу выказаў зацікаўленасьць у вывучэньні беларускага досьведу ў галіне здабычы і вытворчасьці калійных угнаеньняў для выкарыстаньня яго пры распрацоўцы радовішчаў на тэрыторыі сваёй дзяржавы.
Гатоўнасьць беларускага боку экспартаваць у дзяржаву Шры-Ланка прадукцыю сельскагаспадарчага машынабудаваньня адзначалася Ўладзімерам Грыгор’евым на сустрэчы з Надзвычайным і Паўнамоцным амбасадарам гэтай краіны ў Расейскай Фэдэрацыі Віджэкунам Мудзіянсэлянж Юку Віджэкунам. Кіраўнік дыпмісіі Дэмакратычнай Сацыялістычнай Рэспублікі Шры-Ланка выказаў зацікаўленасьць у акрэдытацыі ў пэрспэктыве ў Беларусі па сумяшчальніцтве.
, iнформэр
