Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Не пасьпела ўчора “СБ” паведаміць пра абвал балконаў у вёсцы Мішкавічы Шумілінскага раёну, як прыйшло падобнае паведамленьне зь Менску. У доме па вул. Антонаўскай працяканьне даху пацягнула разбурэньне часткі сьцяны і праз гэта зсунулася ваконная перамычка. Толькі экстранае ўмяшальніцтва спэцыялістаў мясцовага ЖРЭО, навукова-дасьледчага і праектна-канструктарскага інстытута будаўніцтва прадухіліла драматычнае разьвіцьцё падзеяў. Але дзе гарантыя, што гэтага ўдасца пазьбегнуць у іншых выпадках?
Справа ў тым, што камунальныя службы не пасьпяваюць своечасова адрамантаваць траціну зношаных дахаў. Што тычыцца капітальнага рамонту, то ў Менску ў ім неадкладна маюць патрэбу каля 2.000 жылых забудоваў, але грошай хапае толькі на 400. “У маштабах краіны рэканструкцыя і аднаўленьне зношанага жыльля пры цяперашнім фінансаваньні могуць расьцягнуцца на... 120 гадоў”, -- заявіў днямі карэспандэнту “СБ” старшыня Сталай камісіі па жыльлёвай палітыцы, будаўніцтву, гандлю й прыватызацыі “палаты прадстаўнікоў” Васіль Хрол. Каб гэтага не адбылося, неабходна ўдасканаліць канцэпцыю будаўніцтва і абслугоўваньня жылых дамоў.
, iнформэр
