Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь разглядае магчымасьць аказаньня Іраку гуманітарнай дапамогі. Пра гэта на брыфінгу ў чацьвер заявіў прэсавы сакратар МЗС Беларусі Андрэй Савіных. Ён агучыў заяву беларускага МЗС, у якой сказана, што Беларусь "занепакоеная пачаткам вайсковай апэрацыі". Садама Хусэйна ў Менску не чакаюць. Аляксандр Лукашэнка называе ЗША "монстрам" і "агрэсарам".
12 марта дипломаты из посольств Великобритании и Соединенных Штатов Америки наблюдали за Народным маршем «За лучшую жизнь!» в центре Минска. Несколько тысяч мирных демонстрантов всех возрастов собрались на площади Якуба Коласа около шести часов вечера и, подчиняясь инструкциям, звучавшим из громкоговорителей милицейского автомобиля, начали мирное шествие в направлении Национальной академии наук.
Супрацоўнікі міліцыі зьявіліся да барысаўскага прадпрымальніка Мікалая Віторскага адразу дадому ўчора ўдзень. Яны заявілі, што Віторскі прымаў актыўны ўдзел у акцыі ў падтрымку Народнага маршу “За лепшае жыцьцё!” і склалі на яго пратакол, а таксама папярэдзілі, што ў бліжэйшы час прадпрымальнік атрымае позву ў суд. Нагадаем, што 12 сакавіка ў Барысаве прайшоў мітынг на цэнтральнай плошчы гораду каля будынку гарвыканкаму, у якім прынялі ўдзел каля двухсот чалавек – мясцовых прадпрымальнікаў і актывістаў ЗУБРа.
Кааліцыйная працоўная група па падрыхтоўцы сьвяткаваньня 85-х угодкаў незалежнасьці БНР 25 сакавіка абвесьціла плян урачыстых мерапрыемстваў. Дзеля гэтага старшыня Партыі БНФ і ГА "БНФ "Адраджэньне" Вінцук Вячорка, кіраўнік рады ТБМ Алег Трусаў і старшыня выканкаму АСДП Аляксей Кароль у сядзібе БНФ сустрэліся з журналістамі.
Першы ўдар 12:06, 20/03/2003, Рэдакцыйны артыкул, The Washington Post
Калі амэрыканскія ўзброеныя сілы наносілі свае першыя ўдары па Іраку, прэзыдэнт ЗША Джорж Буш-малодшы заявіў сваёй краіне, што пачалася “шырокая і ўзгодненая кампанія” супраць Садама Хусэйна. Напады мінулай ночы былі абмежаваныя тым, што прэзыдэнт назваў “выбарачнымі мэтамі ваеннага значэньня; выбухі крылатых ракетаў і кіраваных авіябомбаў у Багдадзе і вакол яго вымушаюць меркаваць пра спробу ліквідацыі вышэйшых ірацкіх кіраўнікоў. Чакаюцца куды больш інтэнсыўныя і наземныя ўдары. Сп.Буш-малодшы сказаў, што “зараз, калі канфлікт пачаўся... гэта ня будзе кампаніяй паўмераў, і мы не пагодзімся ні на які вынік, апрача перамогі”.
Да пачтаку ваеннай апэрацыі ЗША супраць Іраку застаюцца лічаныя гадзіны. Абодва бакі абменьваюцца пагражальнымі заявамі, штодзённыя навіны поўныя драматычнымі, часам супрацьлеглымі паведамленьнямі. Сваім бачаньнем таго, як будзе праходзіць гэтая вайна і чым яна можа завяршыцца, з “Известиями” дзеліцца Руэль Герэхт, былы агент ЦРУ, які доўгі час працаваў на Блізкім Усходзе. Зараз ён -- супрацоўнік цесна зьвязанага з адміністрацыяй кансэрватыўнага аналітычнага цэнтру "American Enterprise Institute".
Як перадае РІА “Новости”, Аляксандар Лукашэнка назваў агрэсіяй дзеяньні ЗША адносна Іраку. “Это первый акт крупнейшей, циничной агрессии со времен Второй мировой войны в нарушение решений международных организаций," - заявіў беларускі лідэр у інтэрвію галоўным рэдактарам газэт “Комсомольская правда” і “Советская Белоруссия”, якое трансьлявалася дзяржаўнымі тэлеканаламі ў сераду вечарам.
Мільёны грамадзянаў Беларусі намерваюцца абараняць Ірак. Пра гэта заявіў амбасадар Іраку ў Менску Салман Зэйдан, паведамляе ИТАР-ТАСС. Паводле яго, ёсьць нават заявы ад беларускіх жанчын, якія гатовыя на полі бою аказваць дапамогу параненым. Зэйдан сказаў таксама, што ірацкае войска мае вялікі баявы досьвед і будзе абараняць сваю краіну да канца. Паводле яго, ЗША і Вялікабрытанія атрымаюць з Іраку “тысячы трунаў зь целамі агрэсараў”.
Беларуская дыпляматычная місія ў Іраку “часова” перабралася з Багдаду ў Сырыю. Пра гэта ў сераду журналістам у Менску паведаміў начальнік кіраваньня інфармацыяй МЗС Беларусі Андрэй Савіных. Паводле яго, гэта выклікана “абвастрэньнем сытуацыі ў рэгіёне і пагрозаю ваеннага канфлікту”. Нагадаем, беларускую амбасаду ў Іраку прадстаўляюць часовы даверчы ў справах Беларусі Юры Оранж і другі сакратар Валеры Гурын. Зараз яны разьмяшчаюцца ў Дамаску. Пасьля іх ад’езду з Багдаду, паводле беларускага МЗСу, грамадзянаў Беларусі ў Іраку няма.
У адказ на артыкул "Якая мiсiя ў мiсii АБСЭ?", надрукаваны 18 сакавiка, рэдакцыя атрымала лiст ад новага кiраўнiка менскага офiсу АБСЭ Эбэргарда Хайкэна з просьбай надрукаваць яго. Вось ён (захоўваецца аўтарскi стыль):
Сьвяточныя мерапрыемствы з нагоды 85-ых угодак абвяшчэньня Беларускай Народнай Рэспублікі пройдуць ня толькі ў Менску, але і ў іншых гарадох Беларусі. Пра гэта паведамілі на прэс-канфэрэнцыі 19 сакавіка прадстаўнікі кааліцыйнай працоўнай групы па сьвяткаваньні гадавіны БНР – старшыня Партыі БНФ Вінцук Вячорка, намесьнік старшыні незарэгістраванай Аб’яднанай сацыял-дэмакратычнай партыі Аляксей Кароль, старшыня Рэспубліканскай грамадзкай арганізацыі “Таварыства беларускай мовы імя Францішка Скарыны” (ТБМ) Алег Трусаў.
Ахова амбасады ЗША ў Менску, а таксама ўсіх дыппрадстаўніцтваў замежных дзяржаваў, акрэдытаваных у Беларусі, узмоцненая ў сувязі з пачаткам ваенных дзеяньняў у Іраку. Пра гэта “Интерфаксу” паведамілі ў аб’яднаньні “Ахова” пры МУС рэспублікі.
У Беларусі па стану на 1 сакавіка сёлетняга году на ўліку ў дзяржаўнай службе занятасьці насельніцтва зарэгістравана 143 тыс. 353 беспрацоўных, што на 12,8 тыс. чалавек больш у параўнаньні з пачаткам сёлетняга году. Такім чынам, узровень беспрацоўя да колькасьці эканамічна актыўнага насельніцтва дасягнуў 3,3%.
У працэсе будаўніцтва “саюзнай дзяржавы” бакі “сутыкнуліся з масай складанасьцяў і цяжкасьцяў, і таму ідзе запавольваньне”. Пра гэта паведаміў Аляксандар Лукашэнка ў часе прамой тэлефоннай лініі з чытачамі газэтаў “Советская Белоруссия” і “Комсомольская правда”.
“Расея сядзіць на нафтавай ігле, як наркаман,” – кажа дарадца прэзыдэнта Андрэй Іларыёнаў. Расейская эканоміка сапраўды залежыць ад чорнага золата. Экспарт энэганосьбітаў – нафты й газу – прыносіць больш за трэць даходаў дзяржавы. Плянаваньне бюджэту ажыцьцяўляецца з улікам кошту на нафту. На сёлетні год урад на чале з Міхаілам Касьянавым заклаў у аснову пры плянаваньні бюджэту кошт на нафту ў дыяпазоне ад 18,5 да 21,5 даляраў ЗША за барэль (159 літраў).
Ваенныя дзеяньні ў Іраку могуць негатыўна паўплываць на замежнаэканамічную дзейнасьць беларускіх вытворцаў аўтатрактарнай тэхнікі. Такую думку карэспандэнту “Интерфакса” выказалі спэцыялісты Менскага аўтазаводу (МАЗ) і Менскага трактарнага заводу (МТЗ).
Запазычанасьць па заробнай плаце ў Беларусі складае на дадзены час 20,8 млрд. беларускіх рублёў (104 млн. 480 тыс. дал.). Як паведамілі ў Міністэрстве працы й сацыяльнай абароны рэспублікі, удзельная вага запазычанасьці ў месяцовым фондзе заробнае платы студзеня складае 3,6%.
У гэтым яго абвінаваціла дэпутацкая група “Рэспубліка”, якая накіравала ва ўрад паведамленьне, у якім патрабуе “”перагледзіць жыльлёва-камунальную палітыку”. Дакумэнт быў прыняты па выніках арганізаванага 18 сакавіка групай “Рэспубліка” ў “парлямэнце” “круглага стала” па праблемах “сацыяльнай абароны насельніцтва ва ўмовах рэзкага павышэньня тарыфаў на паслугі ЖКХ”. Удзел у ім прынялі прадстаўнікі Мінжылкамгасу, Міністэрства працы й сацыяльнай абароны, канцэрну “Белэнэрга”.
На дадзены час запазычанасьць калгасаў і саўгасаў па крэдытах на жыльлёвае будаўніцтва складае 247 мільярдаў рублёў. І гэта кладзецца цяжарам на гаспадаркі ва ўмовах, калі з 2303 сельскагаспадарчых прадпрыемстваў рэспублікі 1405 зьяўляюцца неплацежаздольнымі. Перашкодаю на шляху своечасовага выкананьня забавязкаў па вяртаньні крэдытаў і працэнтаў па іх зьяўляюцца недахоп выручкі, які паступае на рахункі гаспадара, адсутнасьць уласных зваротных сродкаў, запазычанасьць па плацяжох у бюджэт і пазабюджэтныя фонды. І выканаць заданьне сёлетняга году па ўвядзеньні ў эксплюатацыю 900 тысячаў квадратных мэтраў агульнай плошчы сельскага жыльля дастаткова праблематычна ў сувязі з пагаршэньнем фінансава-эканамічнага патэнцыялу гаспадарак.
Паводле дасьледваньня “SpyLOG-монитор”, што ахоплівае 2,5 тыс. сайтаў Рунэту, якія найбольш наведваюцца, сусьветная аўдыторыя расейскамоўных рэсурсаў Сеціва на канец студзеня 2003 году складала каля 15 млн. карыстальнікаў.
Асаблівая сымпатыя, якую ўлады Іраку маюць да нашай краіны, шмат у чым зьвязаная з актыўнасьцю на ірацкім рынку беларускай кампаніі “Белметалэнэрга”. Менавіта дзякуючы маркетынгавым намаганьням гэтай кампаніі іракцы ня толькі сталі вылучаць нас сярод іншых краінаў, але і моцна прывязаліся да беларускіх “МАЗаў” і трактараў. Кампанія-дылер за некалькі апошніх гадоў здолела правесьці капіталістычную экспансію на рынкі Іраку, Ірану і шэрагу іншых блізусходніх і афрыканскіх краінаў і нават пачала выступаць сур’ёзным канкурэнтам для куды больш магутных экспартэраў-“гігантаў”. На жаль, палітычны крызыс вакол Іраку, які пагражае ня сёньня-заўтра перарасьці ў вайну, прымусіў беларусаў тэрмінова згортвацца. На мінулым тыдні ўсе супрацоўнікі “Белметалэнэрга” былі эвакуяваныя з Багдаду на радзіму. Карэспандэнт БДГ размаўляе з дырэктарам філіі ААТ “Белметалэнэрга” ў Іраку Зьмітром Баско.
, iнформэр
