Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
КДБ падвергнецца татальнаму кантролю 15:15, 25/03/2003, Сяргей Аніська, «Народная воля»
Як стала вядома з інфармаваных крыніц, блізкіх да праваахоўчых структураў, у 2003 годзе падвергнецца ўсебаковай рэвізіі дзейнасьць Камітэту дзяржаўнай бясьпекі. Кантроль супрацоўнікаў з Адміністрацыі прэзыдэнта, Службы бясьпекі прэзыдэнта, Рады бясьпекі, Генэральнай пракуратуры, Камітэту дзяржаўнага кантролю й Міністэрства фінансаў будуць дасьледаваць дзейнасьць усіх структурных падразьдзяленьняў КДБ: кіраваньне замежнай выведкі, кіраваньне контрвыведкі, інфармацыйна-аналітычнага кіраваньня, сьледчага камітэту, кіраваньне па абароне канстытуцыйнага ладу, кіраваньне ваеннай выведкі, Інстытута нацыянальнай бясьпекі й фінансава-гаспадарчай службы.
Пры чым будзе ажыцьцяўляцца праверка ня толькі цэнтральных падразьдзелаў, але і выбарна раённых аддзелаў КДБ. Выніковы даклад (прыкладна ў трэцім кварталі сёлетнега году) будзе пададзены А.Лукашэнку.
Па ўсёй верагоднасьці, кіраўніцтва праверкаю Камітэту дзяржбясьпекі будзе ажыцьцяўляць намесьнік кіраўніка Адміністрацыі прэзыдэнта Станіслаў Князеў. Сам ён летась генэрал-маёр КДБ і пэўны час ачольваў кіраўніцтва ваеннай контрвыведкі і Інстытут нацыянальнай бясьпекі.
